Луковцев Валерий Николаевич

Луковцев Валерий Николаевич — Дьурустаан (18.12.1960) — түмэтчи, публицист, суруйааччы, өр сыллар тухары (2020 сылга диэри) «Бичик» кинигэ кыһатын сүрүн эрэдээктэрэ, Баайаҕа нэһилиэгин (Таатта улууһа), Мэҥэдьэк нэһилиэгин (Ньурба улууһа) уонна Таатта улууһун Ытык киһитэ. СӨ Култууратын үтүөлээх үлэһитэ, СӨ бэчээтин туйгуна.

Олоҕун олуктара

Валерий Николаевич Луковцев 1960 сыллаахха ахсынньы 12 күнүгэр Таатта оройуонун Баайаҕа сэлиэнньэтигэр төрөөбүтэ.

1985 с. СГУ филология факультетын бүтэрбитэ, «саха тылын уонна литэрэтиирэтин учуутала» идэтин баһылаабыта.

1985 - 1986 үөрэх сылыгар Өлүөхүмэ улууһун Дабаан оскуолатыгар учууталлабыта.

1986 - 1991 г. - «Хотугу сулус», «Полярная звезда» сурунаалларга корректорынан үлэлээбитэ. Бу сылларга уус-уран тылбааһынан дьарыктанар, В. Солоухин, Н. Шундик, Ч. Айтматов, С. Досанов, М. Руми, В. Габышева, В. Авдеев айымньыларын тылбаастыыр.

1991 сылтан - бастаан эрэдээктэринэн, онтон сүрүннүүр испэсэлииһинэн «Бичик» кыһа уус-уран уонна оҕо литэрэтиирэтин эрэдээксийэтигэр үлэлиир.

1998 сыллаахтан «Бичик» («Айар») тутаах эрэдээктэрэ, 2020 сылтан тэрилтэ дириэктэрин солбуйааччыта.