Либерти (тэрилтэ, Арассыыйа)

Бикипиэдьийэ диэн сиртэн ылыллыбыт

«Либерти» — кыра эппиэтинэстээх уопсастыба, Арассыыйа кыра кыахтаах дьоҥҥо аналлаах идэтийбит туризм хампаанньата, 2004 сылтан Санкт-Петербуурга үлэлиир туроператор. Кэлээскэлээх эрэ сылдьар инбэлииттэргэ туризм өҥөтөн оҥорор, ону кытары бу дьоҥҥэ анаан куорат кэрэ-бэлиэ сирдэрэ табыгастаах буолалларынан дьарыктанар. Санкт-Петербуургтан ураты туурдар Новгородка, Выборга, Арассыыйа Көмүс колцуотунан, Киевка л.д.а. киин култуура кииннэригэр оҥоүуллаллар. Эуропа устун туурдар эмиэ бааллар: Францияҕа, Италияҕа, Чехияҕа уо.д.а.

Остуоруйата[уларыт | куодун уларытыы]

Хампаанньаны 2004 сыллаахха Санкт-Петербуурга экскурсоводтар Наталья Гаспарян уонна Мария Бондарь тэрийбиттэрэ. Кыргыттар туризм эйгэтигэр бэйэлэрэ тэрилтэ оҥостон үлэлиэхтэрин туһунан мечтаайдаабыттара ырааппыт эбит да, туриизм ырыынагар үрдүк көнкүрүөнсүйэ баарыттан куттаналлар эбит, онон инбэлииттэргэ анаан идэтийбит Арассыыйаҕа бастакы турфирманы арыйар туһунан быһаарыммыттара. Бастаан турфирма Санкт-Петербуурга ниэмэс туриистарын ыҥырыынан дьарыктаммыт, фиирма үлэһиттэрэ туурдар маршрууттарын сиһилии толкуйдаан оҥороллор эбит, кэлээскэлээх инбэлииттэргэ табыгастаах буоллун диэн. Хампаанньа бүддьүөтэ баара-суоҕа 40 тыһыынча солкуобай эбит, онно эбии баантан 700 тыһыынча солкуобайы туттар кредит быһыытынан ылбыттара. Кэпсииллэринэн: «Мы не собирались создавать благотворительную организацию. Мы хотели, чтобы туристы на колясках чувствовали себя полноценными заказчиками полноценной услуги»[1].

«Либерти» үлэтигэр тосту уларыйыы 2010 сыллаахха буолбут, хампаанньа Арассыыйатааҕы түмэт урбаан куонкурсугар кыайбыт уонна «Биһиги кэскилбит» пуондаттан быраһыана суох 1,7 мөлүйүөн солкуобайы ылбыт. Ити кэмтэн саҕалаан агентство үлэтэ-күөһэ сезоҥҥа 200 туурга дылы үрдээбитэ, харчыларын сыллааҕы эргиирэ 3 мөлүйүөн солкуобай буолбута, 20011 сыллаахха 3,5 мөлүйүөҥҥэ тиийбитэ[2]. Хампаанньа уруккутун курдук сүрүн дохуотун тас дойдулар дьонноруттан ылар, Арассыыйа турист-инбэлииттэригэр туурдар бэйэтин сыанатыгар атыыланаллар, инбэлиит-оҕолорго — босхо.

Фирма уопсастыба олоҕор көхтөөхтүк кыттар, музейдары паандустарынан хааччыйыыга, кэлээскэлээх инбэлиит дьоҥҥо табыгастаах буоллун диэн, бырайыактары оҥорор уонна толорор. Турфирма хостел тутуутун, кэргэннэнии агентствотын тэрийиини, «тоҕоостоох туризм» ыйынньыктарын уонна сурунаалларын таһаарыыны былаанныыр[3][4][5].

2012 сыллаахха Наталья Гаспарян уонна Мария Бондарь Арассыыйаҕа түмэт урбааны сайыннарыыларын уонна өрө таһаарыыларын иһин «Импульс добра» бириэмийэ лауреаатарынан буолбуттара[6].

2015 сыллаахха «Сноб» сурунаал «Либерти» хампаанньаны түмэт урбаан эйгэтигэр Арассыыйа биэс ситиһиилээх хампаанньаларын ахсааныгар киллэрбитэ, сурунаал көрдөрбүтүнэн, хампаанньа сыллааҕы харчытын эргиирэ 4 мөлүйүөн солкуобай[7].

Фирманы олохтооччулар ахсааннарыгар Санкт-Петербуург регионаальнай уопсастыбаннай инбэлиит тэрилтэтэ уонна «Мы — часть общества» куорат хаһыатын тэрийээччилэрэ бааллар.

Фирма кэлээскэлээхтэртэн ураты атын инбэлииттэргэ, ол иһигэр истибэт уонна мөлтөхтүк истэр дьоҥҥо, анаан айаннары тэрийиини былаанныыр[2].

Быһаарыылар[уларыт | куодун уларытыы]

  1. Софья Бакалеева. Туризм для инвалидов — это дерзость: история малого социального предпринимательства. Милосердие.ру (16 Кулун тутар 2015). Тургутулунна 29 Муус устар 2015.
  2. 2,0 2,1 Юлия Гордиенко. Свободное движение. Коммерсантъ (1 Кулун тутар 2012). Тургутулунна 30 Муус устар 2015.
  3. Туризм для инвалидов — ООО «Либерти». invtravel.ru (19 Олунньу 2013). Тургутулунна 29 Муус устар 2015.
  4. Юлия Земскова. Туризм для инвалидов: бизнес, который не кормит. Санкт-Петербург.ру (23 Атырдьах ыйын 2012). Тургутулунна 29 Муус устар 2015.
  5. Иностранные туристы-колясочники смогут проехать про Транссибирской магистрали с «Либерти». Биһиги кэскилбит (Пуонда) (28 Атырдьах ыйын 2012). Тургутулунна 29 Муус устар 2015.
  6. Дарья Луганская. Инвалидный туризм в России существует за счет грантов или иностранцев. Московские новости (15 Бэс ыйын 2012). Тургутулунна 29 Муус устар 2015.
  7. Екатерина Ненашева. Коляска-вездеход и летающие звери. 5 историй социальных предпринимателей. Сноб (3 Олунньу 2015). Тургутулунна 29 Муус устар 2015.

Сигэлэр[уларыт | куодун уларытыы]