Кыттааччы ырытыыта:Динара Осипова
Тиэмэ эбииСаха народнай суруйааччыта Василий Семенович Яковлев-“Далан”.
[биики-тиэкиһи уларытыы]Саха народнай суруйааччыта
Василий Семенович Яковлев-“Далан”.
· Саха народнай суруйааччыта;
· Саха Республикатын П.А.Ойуунускай аатынан Государственнай бириэмийэтин кандидата;
· Педагогическай наука кандидата;
· “Доҕордоһуу” орден кавалера;
· Саха Республикатын Духовнаһын академиятын академига;
1928 с. муус устар 1 күнүгэр Боотурускай улууһун (билигин Чурапчы) Кытаанах нэһилиэгэр төрөөбүтэ.
Пединститутка уһулуччу үчүгэйдик уөрэнэ сылдьан, сымыйа буруйдааһыҥҥа түбэһэн 1952 с. репрессияламмыта. 2 сыл хаайыы эрэйин-буруйун билбитэ. Ити кини литератуураҕа киириитин өр сылларга харыстаабыта.
Прозаик, публицист. Драмаҕа күүһүн холоммута. Маҥнайгы кинигэтэ «Дьикти саас» 1978 с. бэчээттэммитэ. Прозаҕа 14 кинигэлээх сэһээннэри, кэпсээннэри суруйбута. Ордук роман жанрыгар ситиһиилээх. Норуот таптаан ааҕар «Тулаайах оҕо», « Тыгын Дархан» ромааннарын айбыта.
Общественнай олоххо актыыбнайдык кыттарын үгүс ахсааннаах публицистическай уонна проблемнай ыстатыйалара, суоллааҕы бэлиэтээһиннэрэ туоһулууллара.
1979 с. ССРС суруйааччыларын союһун чилиэнэ. 1996 с. сэтинньи 27 күнүгэр өлбүтэ. Дьокуускайга көмүллүбүтэ.[1]
Далан саха норуотугар эрэ таптаппыт суруйааччы буолбатах, кини киэҥ Россия уонна бырааттыы республикалар ааҕааччылара билэр, кэрэхсиир прозаиктара этэ. Ол чаҕылхай туоһутунан буолуохтарын сөп 1987 сыллаахха Москваҕа буолбут Россия суруйааччыларын мунньаҕар Далан айымньыларын дьүүллэһиигэ кыттан нуучча уонна атын омук суруйааччыларын эппит үтүө тыллара, Орто Азия дойдуларын хомуһун тыллаахтара Далаҥҥа үтүө сыһыаннара, ытыктабыллара.
Кини Саха Республикатын П.А.Ойуунускай аатынан Государственнай бириэмийэтин лауреата, “Чолбон” литературнай уус-уран сурунаал кылаабынай редактора, педагогическай наука кандидата, Саха Республикатын Духовноһын академиятын академига, “Доҕордоһуу” орден кавалера этэ.[2]
Айымньылара:
Дьикти саас: Сэһэн. — Дьокуускай, 1978. Аар тайҕам суугуна: Сэһэн. — Дьокуускай, 1980. Тулаайах оҕо: Роман. — Дьокуускай, 1983. Кынаттаах ыралар: Роман. — Дьокуускай, 1990. Доҕоруом, дабай күөх сыырдаргын: Роман. — Дьокуускай, 1991. Тыгын Дархан: Историческай роман. — Дьокуускай, 1993. Дьылҕам миэнэ: Роман-эссе. — Дьокуускай, 1994. Олохпут кырдьыга: Ыстатыйалар, пьесалар. — Дьокуускай, 1999. Кэриэн ымыйа: Уус-уран айымньыылар, хомуурунньук. — Дьокуускай, 2008 ↑ Infourok. В.С.Яковлев - Далан "Тулаайах о5о" аьа5ас дьарык барылыгар презентация (9 кылаас) (рус.). Инфоурок. Проверено 22 апреля 2018.↑ Далан (суруйааччы) // Бикипиэдьийэ. — 2018-03-28.