Захаров Федот Федотович

литература бөдөҥ жанрдарын сайыннарыыга кылаатын киллэрбит суруйаачы.

Олоҕун олуктара

1928 сыл бэс ыйын 15 күнүгэр Таатта улууһун II Игидэй нэһилиэгэр төрөөбүт. 7 кылаас кэнниттэн Советскай Армияҕа сулууспалаабыт. Киномеханиктар курстарыгар үөрэнэн Ньурба уонна Чурапчы оройуоннарыгар уонча сыл үлээбит. Ыччат киэһээҥҥи оскуолатын бүтэрэн, 1957 с Киевтээҕи авиационнай институтка туттарсан киирбит. Гражданскай авиация инженерын идэтин ылбыт, 1963 с. дойдутугар эргиллэн, сүүрбэччэ сыл Дьокуускайдааҕы авиапредприятияҕа үлэлиир. 1982 с. бочуоаттаах сынньалаҥҥа тахсар.

Айар үлэтэ

"Үс хатыҥ" диэн бастакы кэпсээнэ "Хотугу сулус" сурунаалга 1977 сыллаахха бэчээттэммит. Ордук сэһэн уонна роман жанрыгар ситиһиилэммит. "Күчүмэҕэй күннэр" (1985), "Омоох суоллар" (1987), " Быыйа" (1990), "Саҥа сүүрээннэр" (1993), "Ааспыт үйэни анаардахха " (1994)," Кээрэкээн" (1995), "Омоҕой баай" (2001), "Түрбүөннээх күннэр" (2004) кинигэлэр утуу-субуу тахсыбыттар. "Сибиир билиҥҥи сэһэнэ" серияҕа тахсыбыт саха былыргытын талааннаахтык ойуулабыт " Быыйа" сэһэнэ, эббэн норуотун олоҕун көрдөрөр "Түгэһиирдэр" романа ааҕааччыга ордук кэрэхсэммит.

Айымньылара

Күчүмэҕэй күннэр: сэһэн. – Дьокуускай : Кинигэ изд-вота, 1985. – 72 с.
Омоох суоллар : [кыра саастаах оскуола оҕолоругар]. – Дьокуускай : Саха сиринээҕи кинигэ изд-вота, 1987. – 39 [1] с.
Быыйа : [сэһэн]. – Дьокуускай : Кинигэ изд-вота, 1990. – 135 [1] с.
Боотуруускай улуус сахаларын төрүт уустара : (документальнай очерк). – Чурапча : [и. с.], 1993. – 62 с.
Саҥа сүүрээннэр : сэһэннэр. – Дьокуускай : Бичик, 1993. – 328 с.
Ааспыт үйэни анаардахха. – Дьокуускай : Бичик, 1994. – 72 с.
Кээрэкээн : былыргы номохтон. – Дьокуускай : Бичик, 1995. – 64 с.
Түгэһиирдэр : [роман]. – Дьокуускай : Бичик, 1998. – 222 с.
Омоҕой баай : ист. сэһэн. – Дьокуускай : Бичик, 2001. – 208 с.
Кыыс дьылҕата : сэһэннэр. – Дьокуускай : Бичик, 2003. – 176 с.
Күрэтиллибит таптал : сэһэн. – Дьокуускай : Бичик, 2005. – 96 с.
Түрбүөннээх күннэр : сэһэн. – Дьокуускай : Бичик, 2005. – 128 с.
Үйэ кирбиитигэр : историческай хабааннаах уус-уран сэһэн. – Дьокуускай : Бичик, 2013. – 311 с.