Кыттааччы:Saaska/Ыҥырыы

Бикипиэдьийэ диэн сиртэн ылыллыбыт
Перейти к навигации Перейти к поиску

Нөрүөн нөргүй! Бу «Сахалыы Википедия» бырайыак иһинэн суруллубут ыстатыйалар испииһэктэрэ. Бастаан кэлбит буоллаххына мантан саҕалаа: Сүрүн сирэй

Википедия диэн тугуй?[уларыт | биики-тиэкиһи уларытыы]

Википедия — босхо уонна көҥүл энциклопедия. Манна ким баҕалаах талбыт ыстатыйатын уларытар эбэтэр саҥа ыстатыйаны суруйар кыахтаах. Википедияны Америкаҕа баар «Викимедиа Фонда» диэн организация саҕалаабыта. Билигин Википедия элбэх омук тылынан суруллар, ол курдук английскайдыы Википедияҕа 2 мөлүйүөнтэн тахса ыстатыйа баар, нууччалыы Википедияҕа — 200 тыыһынчаттан ордук ыстатыйа.

Биһиги сахалыы Википедияны саҕалыахпытын баҕарабыт. Оннук боппуруостары фонда «тыл хамыыһыйата» (language committee, Langcom) дьаһайар. Английскайдыы көрдөһүүнү манна көрүөххүн сөп. Бастаан вики-движок интерфейсын (система кыттааччылары кытта кэпсэтэрин) сахалыы тылбаастааҥ диэбиттэрэ. Ону HalanTul уонна Bert Jickty улахан өттүн оҥорбуттара. Билигин «тестовай бырайыаккытын сайыннарыҥ, кыттааччылар уонна ааҕааччылар баалларын көрүөхтээхпит» дииллэр. Төһөнөн элбэх киһи кыттан ыстатыйа суруйар да — оччонон үчүгэй.

Мин хайдах кыттабыный?[уларыт | биики-тиэкиһи уларытыы]

Бастатан туран, үөһэ баар "Log in/Create Account" диэн ыйыыны (ссылканы) баттааҥҥын системаҕа регистрациялан. E-mail'гын суруйумуоххун да сөп. Системаҕа киирдэххинэ интерфейс тылын уларытыаххын сөп: үөһэ "my preferences" диэн ыйыынан бараҥҥын "User profile" диэн сирэйгэ "Language" диэн испииһэктэн "sah – Саха тыла" диэни тал.

Ыстатыйата уларыт

Эн Википедия ханнык баҕарар сирэйигэр үөһэ өттүгэр баар "уларыт/править/edit this page" диэни баттаан ол ыстатыйаны уларытыаххын сөп.

Хас биирдии ыстатыйаҕа ырытыы сирэйдээх. Онно үөһээҥҥи кыбытыктарга (вкладкаларга) "ырытыы/обсуждение/discussion" диэни баттаан ыстатыйа туһунан бэйэҥ саннааҕын суруйуоххун, ыйытыы биэриэххин сөп. Ссылка кыһыл өҥнөөх буоллаҕына — ырыыты сирэйигэр ким да суруйа илик (эн суруйдаххына бастакы суруйбут киһи буолаҕын).

Саҥа ыстатыйа наада! Бэйэҥ төрөөбүт сириҥ туһунан, интэриэһиргиир дьыалаҥ, сөбүлүүр аһыҥ туһунан, эбэтэр биллэр киһи туһунан — суруй! Саҥа ыстатыйаны эбиэххин баҕарар буоллаххына бастаан маны аах. Онтон Инники сирэй аллара өттүгэр баар «Саҥа ыстатыйаны эбиэххэ» диэн формаҕа ыстатыйа аатын суруйан баран «Айыахха» диэни баттаа. Инкубаторга (бу сайтка) үгүс атын омук тылынан тестовай бырайыактар бааллар, онон сахалыы ыстатыйа ааттарын Wp/sah/ диэнтэн саҕалыахтаахпыт. Суруйбут ыстатыйаҕар [[Category:Sakha Wikipedia]] диэн суруйдаххына субу сирэйгэ аллара баар испииһэккэ суруйбут ыстатыйаҕар ссылка бэйэтэ көстөн кэлиэ.

Көннөрү тиэкиһи мэнээх «Блокнот» диэн программаҕа суруйаргын курдук суруйан иһэҕин. Онтон атыҥҥа наадыйар буоллаххына маны аах. Ыйытыылаах буоллаххына форумҥа эбэтэр бу сирэй үөһэ өттүгэр баар "discussion" эбэтэр "ырытыы" диэни баттааҥҥын ыйыт.

Сахалыы Википедия баар буоллун!