Кыттааччы:Назарова Альбина

В.С.Яковлев сэһэнэ " Аар тайҕам суугуна" Кырдьаҕас ынахтар ыанньыйбыт сириннэрэ сиргэ тиийэ намылыйан, хотун дьахталлардыы аа-дьуо хотолдьуһаллар. Саҥа төрөөбүт бургунастар тиэтэйэ-саарайа сыбыгылдьыһаллар. Быыстарынан, иэс баайсан сарсыакалаһар оҕолордуу, борооскулар батыаккалаһаллар.("Аар тайҕам суугуна" - Далан 28- сирэй). Оҕустар харсыһыылар эмиэ, атыырдар охсуһууларын курдук курдук киһини тардар көстүү. Былыр оҕустары сайылыктан сайылыкка соруйан үүрэн илдьэн харсыһыннараллара эбитэ үһү. Харсыык оҕустаах ыал эмиэ сүүрүк аттаах курдук аатырара. Оҕустарын муоһун сытыылаан, ыал оҕуһун кэйдэрэн, ороскуоту таһааран өстөспүт да түбэлтэлэрэ баар буолара дииллэр.("Аар тайҕам суугуна" - Далан 32- сирэй)

Ол Куударас кылгас суон атахтаах, уһун систээх, Дьэспэтээҕэр намыһах хара маҥаас оҕус этэ. Төбөтө эрбэммит ырба курдук муостарын тоһуйбутунан, мөрүлээн ньирилэтэ-ньирилэтэ, үрэх суолунан аргыый аҕай хааман иһэрэ. Бэйэтин күүһүн эрэнэр көрүҥэ  сарбыллыбыт  муоһа хатан хапсыһыыга уопуттаах буспут-хаппыт буойуну санатара.("Аар тайҕам суугуна" - Далан 32- сирэй)

Суруйда Назарова Альбина ХИФУ 2018с.