Кытай коммунист партията
Кытай коммунист партията (кыт. 中国共产党) диэн Кытай сүрүн салайар политика партията. 1921 сыллаахха тэриллибитэ. Кытай коммунистара 1927-1949 сыллардааҕы Кытай ис сэриитигэр Гоминьдан партиятын утары сэриилэспиттэрэ. Гоминьданы хотон баран 1949 сыл алтынньы 1 күнүгэр Кытай коммунист партиятын тойоно Мао Цзэдун Кытай Дьон Өрөспүүбүлүкэтин олохтообута.
2024 сыл туругунан Кытай коммунист партията 100 мөлүйүөнтэн тахса кыттааччылаах. Салалтата Пекин Чжуннаньхай диэн сиригэр баар, билиҥҥи бас сэкэрэтээрэ Си Цзиньпин.