Кузьмина Анна Ивановна
Навигацияҕа көс
Көрдөбүлгэ көс
Кузьмина Анна Ивановна (03.03.1933 - 25.11.2017) — Саха Өрөспүүбүлүкэтин норуодунай артыыһа, РСФСР, САССР үтүөлээх артыыһа, Россия театральнай искусствотын сайдыытыгар уһулуччулаах кылаатын иһин «Кыһыл көмүс мааска» Национальнай театральнай бириэмийэ лауреата, Саха Өрөспүүбүлүкэтин уонна Хаҥалас улууһун Ытык олохтооҕо, САССР VIII ыҥырыылаах Үрдүкү Сэбиэтин депутата.
Олоҕун олуктара[уларыт | биики-тиэкиһи уларытыы]
- 1933 сыл кулун тутар 3 күнүгэр Арҕаа Хаҥалас улууһугар (билиҥҥи Хаҥалас улууһа) Нөмүгү нэһилиэгэр төрөөбүт.
- Дьокуускай куорат 2 №-дээх оскуолатын бүтэрбитэ.
- 1950—1955 сс. Москуба куоракка М. С. Щепкин аатынан Тыйаатыр училищетыгар туйгуннук үөрэммит.
- 1955 сылтан, үөрэҕин бүтэриэҕиттэн, Былатыан Ойуунускай аатынан Саха академическай тыйаатыр артыыһа.
- Саха АССР Үрдүкү Сүбэтин VIII ыҥырыытын депутатынан талыллан үлэлии сылдьыбыт.
- Саха Өрөспүүбүлүкэтин «Ытык сүбэтин» чилиэнэ.
Айар үлэтэ[уларыт | биики-тиэкиһи уларытыы]
55 сылтан тахса кэм устата 120-н тахса араас хараактырдаах оруоллары толордо. Саха телевидениетыгар «Умуллубат сулустар» биэрии ааптара.
Саха бастакы артыыстарын туһунан «Умуллубат сулустар. Ахтыылар» кинигэтэ 2009 сыллаахха күн сирин көрбүтэ[1].
Үһуллубут киинэлэрэ[уларыт | биики-тиэкиһи уларытыы]
- «Мотуо» (режиссер В. Семенов)
- «Остров Тайвань» (режиссер Н. Аржаков)
Театрга оонньообут сүрүн оруоллара[уларыт | биики-тиэкиһи уларытыы]
- Весна («Снегурочка» А. Островский)
- Клея («Лиса и виноград» (Эзоп) Г. Фигейредо)
- Мать земля («Материнское поле» Ч. Айтматов)
- Леди Макбет («Макбет»)
- Гертруда («Гамлет» В. Шекспир)
- Фекла Ивановна («Женитьба» Н. Гоголь)
- Катерина («Любовь»)
- Агафья («Бүдүрүйбүт көммөт» А. Софронов)
- Бабушка Эухения («Деревья умирают стоя» А. Касон)
- Ивановна («Выходили бабки замуж» Ф. Буляков)
- Ирина («Сааскы кэм» Амма Аччыгыйа)
- Анна («Остров Тайвань» С. Ермолаев — Сиэн Өкөр)
- Понсия («Дом Бернарды Альба» Г. Лорка)
- Бабушка Дуглас («Көмүөл» В. Васильев — Харысхал, режиссер А. Борисов)
Наҕараадалара уонна ытык ааттара[уларыт | биики-тиэкиһи уларытыы]
- Саха АССР үтүөлээх артыыһа (1965)
- РСФСР үтүөлээх артыыһа (1982)
- Саха Өрөспүүбүлүкэтин норуодунай артыыһа (2003)
- «Гражданскай килбиэн» ураты Бэлиэ (2005)
- Саха Өрөспүүбүлүкэтин Президенын Грамотата[2] (2013)
Быһаарыылар[уларыт | биики-тиэкиһи уларытыы]
- ↑ Кузьмина А. И. Умуллубат сулустар: Ахтыылар. — Дь.: «Бичик», 2009. — 152 с. — ISBN 978-5-7696-3251-8
- ↑ Официальный информационный портал Республики Саха (Якутия): Указ Президента Республики Саха (Якутия) от 25.03.2013 № 1954