Кубань судаарыстыбаннай мэдиссиинэ университета

Кубань судаарыстыбаннай мэдиссиинэ университета

Кубань судаарыстыбаннай мэдиссиинэ университета - Арассыыйа Краснодар куоратыгар баар үрдүк үөрэх тэрилтэтэ.

Устуоруйата

1920 с.төрүттэммит. 1925 с.бастакы выпуһун таһаарбыт. 1925 с. Кубань судаарыстыбаннай мэдиссиинэ института буолбут. 1943 с. Краснодардааҕы салааҕа устудьуоннар салҕыы үөрэнэр кыахтаммыттар. 1960-ус сылларга институт бэйэтин профилын биллэрдик кэҥэппит, ол курдук, 1963 с. Хотугу Кавкаһы уонна Ростов уобалаһын стоматолог-быраастарынан хааччыйарга анаан стоматологическай факультет арыллыбыт. 1966 сылтан элбэх тиражтаах "Медик Кубани" хаһыат тахсар. 1969 с.педиатрическай факультет арыллыбыт. 1961 с.бастакы омук устудьуоннара үөрэнэ кэлбиттэр. 1982 с.институтка быраастар квалификацияларын үрдэтэр факультет төрүттэммит. 1992 с. - кэлин, сиэстэрэ үрдүк үөрэҕин института буолан, акадьыамыйаттан туспа барбыт сиэстэрэ үрдүк үөрэҕин факультета арыллыбыт. 1998 с.эбии икки факультет, медико-профилактическай уонна фармацевтическай арыллыбыттар. 2005 сылтан Кубаньнааҕы судаарыстыбаннай медакадьыамыйа университет статустаммыт. Университет ректора:Алексеенко С. Н.

Факультеттара

1. Лечебнай 2. Педиатрическай 3. Стоматологическай 4. Фармацевтическай 5. Медико-профилактическай 6. Квалификацияны үрдэтии уонна эбии идэҕэ бэлэмнэнии 7. Үрдүк үөрэх иннинээҕи бэлэмнэнии

КубСМУ Арассыыйаҕа биологическай матырыйаалы кытта үлэлиир 5 үрдүк үөрэх тэрилтэтин иһигэр баар. Ону кытта, фантомнай үөрэтиини сайыннара сылдьар. 2009 с.кафедралар ыккардыларынааҕы фантомнай кылааска олоҕуран Арассыыйа доруобуйа харыстабылын министиэристибэтин судаарыстыбаннай бүддьүөттэн үбүлэнэр үрдүк профүөрэх тэрилтэтэ КубСМУ практическай навыктар Кииннэрэ төрүттэммитэ. Киин практическай дьарыктары, аттестациялары устудьуоннар уонна квалификацияны үрдэтэр уонна эбии профессияҕа бэлэмниир факультет истээччилэрин практическай профессиональнай навыктарын таһымын госаттестациятын ыытарга үлэлиир.

Рейтиннэрэ

КубСМУ Арассыыйа мэдиссиинэ үрдүк үөрэҕин тэрилтэлэригэр 9-с миэстэлээх. Краснодар куорат үрдүк үөрэҕин тэрилтэлэригэр 3-с, Арассыыйа үрдүк үөрэҕин тэрилтэлэригэр 188-с Краснодарскай кыраай үрдүк үөрэҕин тэрилтэлэригэр 4-с миэстэлэрдээх.

Ссылкалара

http://youstudynew.com/obrazovatelnye-uchrezhdeniya-v-krasnodare/kubgmu-kubanskiy-gosudarstvennyi-medicinskiy-universitet.html https://cyberleninka.ru/article/n/istoriya-osnovaniya-stanovleniya-i-perspektivy-razvitiya-stomatologicheskogo-fakulteta-kubanskogo-gosudarstvennogo-meditsinskogo https://vuzopedia.ru/vuz/2642 http://www.ksma.ru/