Кононова Анастасия Александровна

Кононова Анастасия Александровна — ССРС Дьоруой ийэтэ, холкуос агронома, Тулагы-Киллэм Ытык киһитэ.

1930 сыллаахха олунньу 15 күнүгэр Тулагы-Киллэм Николаевка учаастагар төрөөбүт. Дьоно Сталина аатынан холкуос чилиэннэрэ эбиттэр. 1949 сыллаахха Дьокуускайга салайар каадырдар оскуолаларыгар агроном үөрэҕэр үөрэнэ киирбит. 1952 сылтан 1957 сыллаахха диэри Сталин аатынан холкуоска агрономнаабыт. Холкуостары биир сопхуоска түмпүттэрин кэнниттэн сүөһү иитэр фермаҕа биригэдьиирдээбит, 1959 сыллаахтан Сыырдаах отделениетын оҕуруот үүннэрэр биригээдэтин биригэдьиирэ буолбут.

1960 сыллаахха сопхуоска Тимирязев аатынан Тыа хаһаайыстыбатын акадьыамыйатын бүтэрбит Н.Д. Швецова үлэлии кэлбит, оҕуруот аһын уонна хортуосканы олордууга билим көрүүлэрин киллэрбит, оҕуруот аһын суортарын олохтоох килиимэккэ олохсутуу опыттыыр үлэни тэрийбит. Бу үлэтигэр Анастасия Александровна биригээдэтэ төһүү күүс буолбут. Манна кини салайар дьоҕура тэнийбит. Тыа хаһаайыстыбатыгар 46 сыл үлэлээбит.

Наҕараадалара

• Дьоруой Ийэ
• Үлэ кыһыл Знамята уордьан
• "Килбиэннээх үлэтин иһин" мэтээл.
• Тулаҕы-Киллэм нэһилиэгин Ытык дьонун кинигэтигэр аата киирбит (1970)

Аатын үйэтитии

Дьокуускай куорат дууматын 2017 сыл кулун тутар 1 к. быһаарыытынан Тулагы сэлиэнньэтигэр саҥа уулуссаҕа кини аата иҥэриллибитэ.

Кини туһунан

• Человек большой души / К.Л. Баишева // Тулагы Киллэм нэһилиэгэ : Дьокуускай куорат уокуруга / М.П. Федорова уо.д.а., Якутск : Бичик, 2016. - С. 443-445
• Кононова Анастасия Александровна // Город Якутск: история, культура, фольклор / Окр. Адм. Якутска; Ин-т гуманитарных исследований АН РС(Я); сост. П.П. Петров и др. - Якутск: Бичик, 2007. - С. 519-520