Кириллин Александр Моисеевич
Кириллин Александр Моисеевич (1952 с., Бүлүүчээн с., Сунтаар оройуона, Саха АССР), Саха Өрөспүүбүлүкэтин үтүөлээх учуутала, Сунтаар улууһун Бочуоттаах олохтооҕо[1]
Олоҕун олуктара[уларыт | биики-тиэкиһи уларытыы]
Сунтаар оройуонун Бүлүүчээн нэһилиэгэр 1952 с. төрөөбүтэ. Бүлүүчээн оскуолатын бүтэрэн, сопхуоска ыанньыксыттаабыта, кочегардаабыта. 1971-1976 сс. СГУ омук тылын учууталын идэтин ылан, Чөркөөххө учууталлаабыта. Онтон нөҥүө сылыгар Бүлүүчээн оскуолатыгар кэлэн, учууталлаан, билиҥҥэ диэри үлэлиир. Студенныы сылдьан «Сэргэлээх уоттара», «Сарыал» диэн университет ансамблларыгар ыллаабыта, араас конкурустарга кыттан элбэх төгүл дипломант, кыайыылаах буолбута. Учууталлыыр үлэтин таһынан нэһилиэккэ «Хартыына галереята» арыйарга күүскэ үлэлээбитэ. Галерея байытыллан , билигин Саха Өрөспүүбүлүкэтин национальнай художественнай Түмэлин филиала, Россия култуурунай нэһилиэстибэтин реестиригэр киллэриллэн, үлэлии турар. Маны общественнай сорудах быһыытынан Александр Моисеевич салайан үлэлэтэр.
Кириллин А.М. үөрэтэр-иитэр үлэтигэр саҥа ньымалары, педагогика бүгүҥҥү ситиһиилэрин олоххо киллэриигэ дьоһун үлэлэрдээх. 1999 с. «Тыа оскуолатын сайыннарыы кэлим тэриллиитэ» диэн бырайыакка «1999 сыл Бастыҥ учуутала». «Оскуолатааҕы айар группа үлэтэ», «Төрөөбүт алааскын эн таптаа» диэн дакылааттара биһирэммиттэрэ. Сүрүн үлэтин таһынан, Бүтүн Россиятааҕы норуоттар уус-уран айымньыларын конкурсугар бастакы миэстэни ылбыта, 1974-1975 сс. Саха Өрөспүүбүлүкэтин конкурстарын лауреаттара, 1992 с. Мирнэй к. ыытыллыбыт Бүтүн Россиятааҕы «Оонньоо, гармонь!» фестиваль лауреата буолбута.[1]
Наҕараадалара уонна ытык ааттара[уларыт | биики-тиэкиһи уларытыы]
"Гражданскай килбиэн" анал бэлиэ[2]
Саха Өрөспүүбүлүкэтин үтүөлээх учуутала.
"Гражданскай килбиэн" анал бэлиэ хаһаайына.
Саха Өрөспүүбүлүкэтин култууратын туйгуна.
Сунтаар улууһун Бочуоттаах олохтооҕо[1]
Кини туһунан[уларыт | биики-тиэкиһи уларытыы]
- Намылова А. , Александр Кириллин - республикатааҕы конкурс дипломана. [Бүлүүчээн орто оскуолатын төрүт культураҕа уонна омук тылыгар учуутала Александр Моисеевич Кириллин "Бастыҥ бырайыак иһин" номинацияҕа "Тыа оскуолатын модела" диэн темаҕа дипломант буолла] - : , //Сунтаар сонуннара. . - 1999. - Муус устар 20 күнэ-С. 2
- Никифорова С. П., Нэһилиэк духовнай сайдыытын түсчүтэ. [Саха Өрөспүүбүлүкэтин култууратын, үөрэҕириитин туйгуна, Саха Өрөспүүбүлүкэтин үтүөлээх учуутала Кириллин Александр Моисеевич туһунан] - : , //Саха сирэ. . - 2020. - Атырдьах ыйын 6 күнэ (N 31)-С. 15;
Суруйуулара, кинигэлэрэ[уларыт | биики-тиэкиһи уларытыы]
Кириллин А. М., Болотуна былаат : (дьиҥ олохтон). [уус-уран кэпсээн] - : , //Сунтаар сонуннара. . - 2020. - От ыйын 14 күнэ (N 52)-С. 4-5;
Быһаарыылар[уларыт | биики-тиэкиһи уларытыы]
- ↑ 1,0 1,1 1,2 Кыайыыны, эйэлээх олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордо Н.Н. Спиридонов; редколлегия: Т.Н. Иванова уо.д.а. – Дьокуускай: Чопчу, 2020.
- ↑ "Гражданскай килбиэн" анал бэлиэнэн Кириллин Александр Моисеевич. Саха Өрөспүүбүлүкэтин Ил Дарханын эбээһинэһин быстах кэмҥэ толорооччу ыйааҕа 2018 сыл бэс ыйын 7 күнэ, 2647 N-дээх Саха Республиката, - : , //Сунтаар сонуннара. . - 2018. - Бэс ыйын 26 күнэ-С. 13;