Ким Николай Сергеевич
Ким Николай Сергеевич — оҕуруотчут, Саха АССР норуотун хаһаайыстыбатын үтүөлээх үлэһитэ, ВДНХ кыттыылааҕа, ВДНХ боруонса мэтээлинэн наҕараадаламмыта, Дьокуускай куорат Ытык киһитэ.
Олоҕо
[уларыт | биики-тиэкиһи уларытыы]1925 сыллаахха Владивостокка төрөөбүт. 1932 сыллаахха дьоно Саха сиригэр көспүттэр. 1946 с. диэри Алдаҥҥа олорбуттар. Николай 1943 сылтан Алдан горнай техникумугар уонна 2 нүөмэрдээх оскуолаҕа физкультура инструкторынан үлэлээбит. 1946 сыллаахха Кимнэр Дьокуускайга көспүттэр, онно Залогка Холкуоһунай уулуссаҕа олорбуттар (билигин Гастелло уулуссата). Орто техническэй үөрэҕи бүтэрэрн баран Николай Ким Табаҕаҕа көспүт. Онно Ворошилов аатынан холкуоска оҕуруот биригээдэтигэр үлэлии киирбит. Кэлин бу холкуоһу Хатас холкуоһун кытта холбоон Ленин аатынан холкуос буолбуттар. Сопхуос буолбутун кэннэ сопхуос Табаҕатааҕы отделениетын управляющайынан анаммыт. Бу солоҕо 1985 сыллаахха диэри үлэлээбит. 1977 сылтан Табаҕа сэбиэтин дьокутаата.
1960 с. хомуньуус баартыйатыгар киирбит.
1985 сыллаахха биэнсийэҕэ тахсыбыт. Кэргэнэ - Анна Енгиновна. Биэс оҕолоохтор.
2003 сыл ахсынньытыгар өлбүт[1].
Быһаарыылар
[уларыт | биики-тиэкиһи уларытыы]- ↑ Ким Николай Сергеевич // М.П. Габышев, К.Е. Павлов Трудовая слава Якутии: почетные граждане РС(Я), городов и улусов.. — Якутск: Сахаполиграфиздат, 2003. — Т. 1. — С. 46-47.