Килиан Мбаппе
| Килиан Мбаппе | |
|---|---|
.jpg) | |
| Төрөөбүтэ |
1998 ахсынньы 20 Париж, Франция |
| Позицията | бастааччы |
| Уҥуоҕа | 180 |
Килиа́н Мбаппе́ Лотте́н (Kylian Mbappé Lottin) диэн Франция футбол оонньооччута, Реал Мадрид кулуубун бастааччыта, Франция хомуур хамаандатын хапытаана. Аныгы кэм биир бастыҥ футболиһа буолар. 2018 сыллааҕы аан дойду чемпиона. 2022 сыллааҕы аан дойду чемпионатын бастыҥ бомбардира (8 гол).
Килиан Мбаппе 1998 сыл ахсынньы 20 күнүгэр Бонди диэн Париж хотугулуу-илин кытыытыгар баар коммунаҕа төрөөбүтэ. Аҕата Уилфрид Мбаппе, футбол тренера, Камерунтан төрүттээх. Ийэтэ Файза Ламари Алжиртан төрүттээх. Уруккута гандболист, билигин Килиан агена. Быраата Этан эмиэ футболист, Лилль ФК оонньооччута. Килиан кыра сылдьан Реал Мадрид уонна Милан кулууптары сөбүлүүр эбит. Кумирдара Зинедин Зидан, Криштиану Роналду, Неймар, Роналдиньо, Лионель Месси, Роналдо, Эден Азар, Тьерри Анри.
Килиан Мбаппе Бонди кулуубун иитиллээччитэ. Профессиональнай карьератын Монако кулуубугар саҕалаабыта. Монако оонньооччута быһыытынан 2016–17 сезоннааҕы Франция чемпиона буолбута. 2017 сыллаахха ПСЖ уон аҕыс саастаах Мбаппены €180 млн атыыласпыта. Бу футбол устуоруйатыгар иккис улахан сыаналаах трансфер буолар. ПСЖ кулууптуун Франция алта төгүллээх чемпиона, Франция куубагын түөрт төгүллээх кыайыылааҕа, 2020 сыллаахха Чемпионнар лигатын финалиһа буолбута. Мбаппе ПСЖ бастыҥ бомбардира, үһүс ассистена буолар. 2024 сыллаахха Реал Мадрид кулуубугар көспүтэ.
Франция хомуур хамаандатыгар 2017 сыллаахха дебюттаабыта. 2018 сыллаахха Аан дойду чемпионатын Пеле кэнниттэн иккис эдэр кыайыылааҕа буолбута. Турнир түмүгүнэн ФИФА аан дойду бастыҥ эдэр футболиһын уонна Франция сыл футболиһын ааттарын сүкпүтэ. 2022 сыллааҕы Аан дойду чемпионатыгар Франция финалга тахсан Аргентинаҕа хотторбута. Мбаппе аҕыс голлаах турнир бастыҥ бомбардира буолбута.
Карьерата
[уларыт | биики-тиэкиһи уларытыы]Ыччат кулууптара
[уларыт | биики-тиэкиһи уларытыы]- Бонди: 2004—2011
- Клерфонтен: 2011—2013
- Монако: 2013—2015
Профессионал кулууптар
[уларыт | биики-тиэкиһи уларытыы]- Монако: 2015—2018
- ПСЖ: 2018—2024
- Реал Мадрид: 2024—
Ил хамаанда
[уларыт | биики-тиэкиһи уларытыы]- Франция U17: 2014
- Франция U19: 2016
- Франция: 2017—
Ситиһиилэрэ
[уларыт | биики-тиэкиһи уларытыы]Хамаанда ситиһиилэрэ
[уларыт | биики-тиэкиһи уларытыы]«Монако»
- Франция чемпиона: 2016/17
«Пари Сен-Жермен»
- Франция чемпиона (6): 2017/18, 2018/19, 2019/20, 2021/22, 2022/23, 2023/24
- Франция лигатын куубага (2): 2017/18, 2019/20
- Франция куубага (4): 2017/18, 2019/20, 2020/21, 2023/24
- Франция суперкуубага (3): 2019, 2020, 2023
«Реал Мадрид»
- УЕФА суперкуубага: 2024
- Континеннардааҕы куубак: 2024
Франция U19
- Дьобуруопа чемпиона (U-19): 2016
Франция
- Аан дойду чемпиона: 2018
- Аан дойду вице-чемпиона: 2022
- УЕФА нациялар лигатын кыайыылааҕа: 2020/21
- УЕФА нациялар лигатын бронзата: 2024/25
Тус ситиһиилэрэ
[уларыт | биики-тиэкиһи уларытыы]- Алтан буутса: 2024/25
- «Пари Сен-Жермен» бастыҥ бомбардира: 256 гол
- Аан дойду чемпионатын бастыҥ бомбардира: 2022 (8 гол)
- УЕФА Чемпионнар Лигатын бастыҥ бомбардира: 2023/24 (8 гол)
- Лига 1 сезон футболиһа (5): 2018/19, 2020/21, 2021/22, 2022/23, 2023/24
- Аан дойду чемпионатын бастыҥ эдэр футболиһа: 2018
- Франция чемпионатын бастыҥ бомбардира (6): 2018/19 (33 гол), 2019/20 (18 гол), 2020/21 (27 гол), 2021/22 (28 гол), 2022/23 (29 гол), 2023/24 (27 гол)
- «Golden Boy»: 2017