Керемясов Валерий Петрович
Керемясов Валерий Петрович — тустуук, РСФСР көҥүл тустууга чөмпүйүөнэ, тустуу тириэнньэрэ, РФ физкультуратын уонна спордун үтүөлээх үлэһитэ, СӨ үтүөлээх тириэньэрэ.
Саха АССР Тулагы сэлиэнньэтигэр 1960 сыллаахха сэтинньи 16 күнүгэр төрөөбүт. Чурапчы күрэс оскуолатын 1977 сыллаахха бүтэрбит. Дмитрий Коркин салалтатынан көҥүл тустуунан дьарыктаммыта. 1977 сыллаахха ССРС спордун маастарын нормативын толорбута. 1982 сыллаахха СГУ биология-география факультетын бүтэрбитэ. Салгыы кини тириэньэринэн Александр Иванов буолбута.
1993-1996 сс. көҥүл тустууга СӨ аҕа тириэньэрэ. Петр Юмшанов, Владимир Торговкин, Герман Контоев курдук ситиһиилээх тустууктары эрчийбитэ.
2016 сыллаахха олунньу 11 күнүгэр Минскэй-Витебскай трассаҕа суол саахалыгар өлбүтэ. Кинини кэриэстээн ол саҕана эрчийэ сылдьыбыт тустууга Владислав Андреев Медведь аатынан турниирга кыттартан батыммыта.
Аатын үйэтитии
[уларыт | биики-тиэкиһи уларытыы]Дьокуускай куорат дууматын быһаарытынан 2017 сыл бэс ыйын 19 күнүгэр кини аата Сэргэлээх суолун 7 км ("Ландыш" ДСК) баар уулуссаҕа иҥэриллибитэ[1].
Быһаарыылар
[уларыт | биики-тиэкиһи уларытыы]- ↑ Зедгенидзева А.Н. и др. Имена на улицах Якутска. Выпуск 4. Биобиблиографический справочник. — Якутск: Офсет, 2022. — С. 172-175. — 697 с. — 69 экз.