Иринцеева Евдокия Семеновна (Огдо)
Евдокия Иринцеева - Огдо — суруйааччы, суруналыыс, суруналыыстыкаҕа СӨ судаарыстыбаннай бириэмийэтин лауреата, СӨ үтүөлээх үлэһитэ.
1962 сыллаахха кулун тутар 25 күнүгэр Кэбээйи улууһун Тыайатыгар төрөөбүт. 1979 с. Кэбээйи орто оскуолатын бүтэрбит. 1985 сыллаахха СГУ омук тылын салаатын итиэннэ 2003 сыллаахха СГУ филологияҕа факультетын (суруналыыстыка салаатын) бүтэрбит.
Өр сылларга "Кэскил" уонна "Юность Севера" хаһыаттарга бастаан кэрэспэдьиэнинэн, онтон сэбиэдиссэйинэн, 2011—2020 сс кылаабынай эрэдээктэринэн үлэлээбитэ. 2021 сылтан СӨ С.А.Новгородов аатынан "АЙАР" национальнай кинигэ кыһатыгар эрэдээктэр.
СӨ култууратын үтүөлээх үлэһитэ, суруналыыстыкаҕа СӨ Судаарыстыбаннай бириэмийэтин лауреата (2010), СӨ үөрэҕин туйгуна (1997), СӨ бэчээтин туйгуна (2001), суруналыыстар өрөспүүбүлүкэтээҕи "Кыһыл көмүс бөрүө" бириэмийэлэрин лауреата (2003), норуоттар икки ардыларынааҕы "Аһаҕас Евразия" (Open Eurasia-Англия) литератураҕа куонкуруһугар оҕоҕо аналлаах айымньыга Мария Шевель аатынан анал бириэмийэ лауреата, Норуоттар икки ардыларынааҕы оҕо литературатын Швейцариятааҕы Сүбэтэ (IBBY) икки сылга биирдэ бэлиэтиир Бочуоттаах испииһэгин (2018 с) лауреата.
Дьиэ кэргэнэ
[уларыт | биики-тиэкиһи уларытыы]Кэргэнэ Александр Иринцеев Иркутскай уобалас Баяндай оройуонуттан төрүттээх, СӨ Ауидиовизуальнай утумун национальнай киинигэр отдел начаалынньыга[1].
Айар үлэтэ
[уларыт | биики-тиэкиһи уларытыы]Уус-уран проза уонна сэһэннэр
[уларыт | биики-тиэкиһи уларытыы]- «Барыта алҕас этэ…» — 2009 сыл.
- «Санатыма дуу, ааспыты…» 2010 (ордук биллибит олох туһунан айымньыта)
- «Буолар да эбит» — 2012.
- «Быстах санаа ухханыгар» — 2016.
- «Килиим» — 2016.
- «Кистэлэҥ эйгэ кистэлэҥэ» — 2018.
- «Таайыллыбат дьикти күүс» — 2020.
- «Өлбөтөҕө дуо?!» — 2026 (кыыс оҕо уонна улахан дьон эппиэтинэһин туһунан)
Оҕолорго
[уларыт | биики-тиэкиһи уларытыы]- «Ньургун дьиктилээхэй сырыылара» — 2014.
- «Мэник сэлиичээн» («Мамонтенок Мэник») — 2015. Интерактивнай 3D-кинигэ.
Документальнай публицистика уонна хомуйан оҥоруу
[уларыт | биики-тиэкиһи уларытыы]- «Эдьиий» (Эдьиий Дора туһунан кинигэ) — 2014.
- «Таптыыбын… Шёпот сердца…» — 2021 (Огдо таҥан оҥорбут хомуурунньуга).
"Мэник сэлиичээн" остуоруйата ааҥыл тылыгар, "Санатыма дуу ааспыты" сэһэнэ бүрээттии тылбаастаммыттара.
Быһаарыылар
[уларыт | биики-тиэкиһи уларытыы]- ↑ Надежда Гармаева. Бурятская книга Евдокии Иринцеевой (нуучч.)