Ирбэт тоҥу чинчийэр П. И. Мельников аатынан институт
Ирбэт тоҥу чинчийэр П. И. Мельников аатынан институт (нууч. Институт мерзлотоведения им. П. И. Мельникова) — РАН Сибиирдээҕи салаатын чинчийэр института.
Устуоруйата
[уларыт | биики-тиэкиһи уларытыы]Институт устуоруйата 1941 сыллаахха Дьокуускайга ирбэт тоҥу чинчийэр ыстаансыйа арыллыытыттан саҕаламмыта. Бу ыстаансыйа мерзлотоведениены төрүттээччи проф. М. И. Сумгин көҕүлээһининэн ССРС Билимин акадьыамыйатын Ирбэт тоҥу чинчийэр В. А. Обручев аатынан институт иһинэн тэриллибитэ.
1956 сыллаахха Дьокуускайдааҕы ирбэт тоҥу чинчийэр ыстаансыйа үөһэ ааттаммыт институт Хотугулуу-Илиҥҥи отделениетын статуһун ылбыта.
1960 с. ахсынньы 9 күнүгэр ССРС Билимин акадьыамыйатын бөрөсүүдьүмэ Дьокуускайга Ирбэт тоҥу чинчийэр институуту акадьыамыйа Сибиирдээҕи салаатын иһинэн тэрийэргэ уураах таһаарбыта. Дьокуускайдааҕы ыстаансыйаттан ураты институт бас билиитигэр Игаркатааҕы (Красноярскай кыраай), Анаадырдааҕы (Магадаан уобалаһа) уонна Алданнааҕы ыстаансыйалар киирбиттэрэ.