Иннокентьева Мария Николаевна

Иннокентьева Мария Николаевна – худуоһунньук, Саха Өрөспүүбүлүкэтин култууратын туйгуна.

1972 сыллаахха алтынньы 30 күнүгэр Дьокуускай куоракка норуодунай худуоһунньук Иннокентьев Николай Николаевич дьиэ кэргэнигэр төрөөбүтэ.

2000 с. Санкт-Петербург куоракка И.Е. Репин аатынан государственнай академическай художественнай институту бүтэрэр. Үөрэҕин бүтэриэҕиттэн бу күҥҥэ дылы П.П. Романов аатынан Дьокуускайдааҕы художественнай училищеҕа үлэлиир. Уруһуй, живопись уонна композиция предметтэрин биэрэр.

2005 сылтан ыла Арассыыйа худуоһунньуктарын Сойууһун чилиэнэ. 2005 с. В. Васильев аатынан бириэмийэ лауреата, 2004 с. Арассыыйа худуоһунньуктарын Сойууһун стипендиата, 2006 с. культура уобалаһыгар государственнай бириэмийэҕэ (ВТОО СХ РФ) кандидат буолар. 2010 с. Саха Өрөспүүбүлүкэтин култууратын туйгуна, 2025 с. Саха Өрөспүүбүлүкэтин искусствотын заслуженнай деятелэ буолар. 2016 с. Арассыыйа художественнай академиятын мэтээлинэн наҕараадаламмыта.