Ефремов Семен Михайлович

Бикипиэдьийэ диэн сиртэн ылыллыбыт
Перейти к навигации Перейти к поиску

Ефремов Семен Михайлович - 1935 сыллаахха Ньурба оройуонун Кукаакы нэһилиэгэр колхозтаах кэргэнигэр тө­рөөбүтэ.

Орто үөрэҕи Марха оскуолатыгар бүтэрэн баран, 1963 сыллаахха Дьокуус­кайдааҕы государственнай университеты, 1972 сыллаахха Ха­ба­ров­скайдааҕы үрдүкү партийнай оскуоланы бутэрбитэ.

Үлэтин 1956 сыллаахха интернат воспитателинэн саҕалаабыта, Өҥөлдьө ос­куо­латыгар учууталлаабыта. Университеты бүтэрэн баран. Чукаар оскуолатыгар учуу­таллаабыта, «Знание», общество оройуоннааҕы тэрилтэтин эппиэттээх сек­ре­тара буолбута. 1965-1970 сылларга комсомол Ленинскэйдээҕи райкомун сек­ре­та­ра, онтон бастакы секретара буолбута.

1972-1978 сылларга бастаан Анаабыр райсоветын председателин солбуйааччы, он­тон ССКП Анаабырдааҕы райкомун иккис, сотору буолаат, бастакы секретарынан та­лыллан үлэлээбитэ. Ити кэнниттэн Семен Михайлович дойдутугар төннөн кэлэн, 1984-1991 сылларга райком тэрийэр отделын сэбиэдиссэйинэн, 1991-1995 сылларга улуус администраниятын кылаабынай специалиһынан, тэрийэр уонна кадры кытта үлэ­ҕэ отдел сэбиэдиссэйинэн, 1996 сылтан Ньурбатааҕы алмааһы кырыылыыр со­буот кадрга отделын инспекторынан, собуот директорын уопсай боппуруостарга сол­буйааччыннан үлэлээбитэ.

С. М. Ефремов оройуоҥҥа ыччат-комсомольскай коллективтарын олохтооһуҥҥа, «Оскуола-производство-үрдүк үөрэх», «Ыччакка механизатор үөрэ­ҕин» - диэн девизтээх хамсааһыны, үөрэнээччилэр производственнай биригээдэ­лэ­рин тэрийиигэ хайысхаллаах үлэни ыыппыта.

Кини Анаабыр уонна Ньурба улуустарын социальнай-экономическай сайдыы­ла­рыгар боччумнаах кылааты киллэрбитэ. Кини экономика, производство боп­пу­руос­тарын ымпыгын-чымпыгын үчүгэйдик билэрэ, үлэһит дьоҥҥо, салайар кадр­дар­га болҕомтолоохтук, харысхаллаахтык сыһыаннаһара, кинилэр уөрэх­тэнэл­лэ­ри­гэр, үүнэн-сайдан иһэллэригэр күннэтэ кыһамньытын уурара.

Семен Михайлович «В. И. Ленин төрөөбүтэ 100 сыла туолуутун бэлиэтээн. Килбиэннээх үлэтин иһин», «Үлэ ветерана» медалларынан, Саха АССР Үрдүкү Советын Президиумун Бочуотунай грамотатынан наҕараадаламмыта, «Комсомолга ак­тив­най үлэтин иһин», «Эйэ Советскай фондатын активиһа», «1973 сыллаах со­ци­а­листическай куоталаһыы кыайыылааҕа» знактарынан, партия Обкомун, Комсомол Киин уонна уобаластааҕы комитетын бочуотунай грамоталарынан бэлиэтэммитэ.

Ефремов С. М. активнай общественник - элбэх төгүллээх партия райкомун бю­ро­тун чилиэнинэн, райсовет депутатынан, Саха Сирин Үрдүкү суутун сэтээ­тэ­ли­нэн, сэрии уонна үлэ ветераннарын советын чилиэнинэн талылла сылдьы­быта.

Ыччаты иитиигэ уонна оройуон социальнай-экономическай сайдыытыгар өр сыл­лаах үтүө тускуллаах улэтин сыаналаан Улуус мунньаҕын Президиумун 1998 сыл алтынньы 23 күнүнээҕи уурааҕынан киннэхэ Ньурба улууһун бочуоттаах гражданинын аата иҥэриллибитэ.