Ефимова Александра Дмитриевна (1923)
Ефимова Александра Дмитриевна (1923 с.т.) — ССРС Дьоруой ийэтэ, Тулаҕы-Киллэм Ытык киһитэ.
1923 сыллаахха кулун тутар 15 күнүгэр Тулаҕы-Киллэм нэһилиэгэр төрөөбүт. Сэттэ кылаастаах оскуоланы бүтэрэн баран Дьокуускайдааҕы фелдьшер-акушер оскуолатыгар үөрэнэ киирбит. Сэрии саҕаланан үөрэҕин бүтэрбэтэх, Марха сэбиэтигэр сэкиритээринэн үлэлээбит. Онтон эмиэ сэрии кэмигэр икки сыл "II пятилетка" холкуоска тырахтарыыстаабыт уонна комбайнердаабыт.
1944 с. Николай Николаевич Васильев диэн бааһыран сэрииттэн төннүбүт киһиэхэ ойох тахсыбыт. Кэргэнинээн 11 оҕону төрөтөн улаатыннарбыттар, ол тухары "Дьокуускай" сопхуоска үлэлээбиттэр. Александра Дмитриевна ыанньыксыттаабыт, хачыгаардаабыт уонна оҕуруот аһын үүннэрбит. 1965 сыллаахтан ССКп чилиэнэ. Дьахталлар хамсааһыннарын VIII өрөспүүбүлүкэтээҕи сийиэһин дэлэгээтэ.
1970 сылллаахха муус устар 14 күнүгэр Тулаҕы-Киллэм Ытык дьонун кинигэтигэр аата киллэриллибит.
Аатын үйэтитии
[уларыт | биики-тиэкиһи уларытыы]Дьокуускай дууматын 2017 сыл кулун тутар 1 күнүнээҕи быһаарыытынан Тулаҕы сэлиэнньэтин саҥа уулуссатыгар Ефимова аата иҥэриллибитэ[1].
Быһаарыылар
[уларыт | биики-тиэкиһи уларытыы]- ↑ Зедгенидзева А.Н. и др. Имена на улицах Якутска. Выпуск 4. Биобиблиографический справочник. — Якутск: Офсет, 2022. — С. 139-140. — 697 с. — 69 экз.