Еремеев Алексей Иванович (1984-2004)

Еремеев Алексей Иванович (1984-2004) — Ис дьыала министиэристибэтин Ис сэриитин рядовойа, Чечняҕа сэрии кыттыылааҕа, кини аатынан Хатас сэлиэнньэтин уулуссата ааттаммыта.

1984 сыллааха сэтинньи 29 күнүгэр Хатаска төрөөбүтэ. Хатас орто оскуолатын 2001 сыллаахха бүтэрэн баран Уһук Илин юридическай институтугар үөрэнэ сылдьыбыта. 2002 сыллаахтан конвоирынан үлэлээбитэ. 2003 сыл сааһыгар аармыйаҕа барбыта, Хабаровскай кыраайга мотострелковай полкаҕа сулууспалаабыта, БМП механик-суоппара буолбута. 2004 сыл олунньу 24 күнүгэр контрагынан сулууспаҕа көспүтэ.

Хотугу Осетия Моздогар ыытыллыбыта, онтон Чэчиэн өрөспүүбүлүкэтин Шатой оруйуонугар мотострелковай рота хайа штурмовой батальонугар снайперынан анаммыта. 2004 сыл бэс ыйын 3 күнүгэр снайпер буулдьатыттан өлбүтэ. Хатаска көмүллүбүтэ.

Аатын үйэтитии

2014 сыл ыам ыйын 29 күнүгэр Хатас оскуолатыгар киниэхэ аналлаах өйдөбүнньүк хаптаһын аһыллыбыта. Хатас уулуссата кини аатынан ааттаммыта.