Егоров Виталий Михайлович

{{{1}}} киһи

Виталий Михайлович Егоров (1957 сыл муус устар 6 к. төр.) — Арассыыйа, саха суруйааччыта, нууччалыы суруйар сытыы дэтэктиипттэр ааптардара. Астаапкаҕа олорор милиисийэ полковнига, холуобунай розыск бэтэрээнэ. Айымньылара Саха Өрөспүүбүлүкэтин Ис дьыала министиэристибэтин систиэмэтигэр өр үлэлээбит быраактыкатыгар, дьиҥнээх холуобунай дьыалаларга олоҕураллар.

Олоҕо

1957 сыллахха муус устар 6 күнүгэр Ньурба улууһугар төрөөбүтэ. Саха государственнай университетын юрфагын бүтэрбитэ.

20 сылтан ордук ис дьыал уорганнарыгар үлэлээбитэ. Оперуполномоченнайтан саҕалаан СӨ Холуобунай розыһын управлениетын начаалынньыгын солбуйааччытыгар диэри үүммүтэ. 1980-с, 1990-с сылларга буолуталаабыт бөдөҥ буруйу оҥоруулары арыйыыга быһаччы кыттыбыта.

Астаапкаҕа тахсан баран суруйуунан дьарыктаммыта, урукку үлэтин уопутун кумааҕыга көһөрөр. Бастакы айымньытын 2017 сыллаахха суруйбута уонна бэчээттэппитэ.

Айар үлэтэ

Эдэр сылдьан суруйар баҕам суох этэ диэн ахтар интервьютугар. Бастакы айымньытын («Адычанская трагедия») 2017 сыллаахха саас суруйбута уонна эдьиийдэригэр аахтара биэрбитин, биир эдьиийэ суруйааччы Николай Лугиновка сыаналата биэрбитэ. Лугинов биир түүн иһигэр тартаран аахтым, саха литэрэтиирэтигэр сонун айымньы эбит диэн хайҕабылынан кынаттанан бэчээккэ таһаарбыттара.

Егоров кинигэлэрэ докумуон курдук чопчулар. Ааптар милиисийэ үлэһиттэрин олохторун-дьаһахтарын, буруйу оҥорооччулар ис туруктарын уонна силисэтийэ ньымаларын ымпыктаан-чымпыктаан ойуулуур. Персонажтарын улахан аҥаара дьиҥнээх прототиптаахтар.

Ордук биллэр айымньыларынан «Аптекарь сатаны», «Нелюдь» уонна «Западня» сэһэннэр буолаллар. «Аптекарь сатаны» кинигэтэ серийнэй өлөрүөхсүтү тутуу уустук хаамыытын ойуулаан киэҥ биллиини ылбыта.

Сытааталара

«Я пишу не для того, чтобы воспеть преступность, а чтобы показать: возмездие неотвратимо. Каждое мое слово — это дань памяти коллегам и уроки тем, кто только пришел в розыск».

«Виталий Егоров — это один из немногих авторов, чьи детективы читаются как учебное пособие по криминалистике, оставаясь при этом захватывающей художественной литературой» (олохтоох прессаттан).

Библиография

• «Обреченные» (2002)
• «Западня» (2004)
• «Аптекарь сатаны» (2006)
• «Нелюдь» (2008)
• «Оборотень» (2010)
• «Эхо войны» (2012)
• «Приговор» (2015)

Наҕараадалара

• «За безупречную службу» I, II, III истиэпэннээх мэтээллэрэ.
• «Милиисийэ туйгуна» түөскэ кэтиллэр бэлиэ.
• Мэҥэ-Хаҥалас улууһун Ытык киһитэ.

Сигэлэр

• Ксения Авера, Sakhaday: Писатель Виталий Егоров: «Следопытство у якутов в крови»