Дьяконов Андрей Дмитриевич (1903-1986)
Дьяконов Андрей Дмитриевич (1903-1986) — Мытаахтан төрүттээх Иккис аан дойду сэриитин кыттыылааҕа, Хатас сэлиэнньэтин биир куоллаҕаһа кини аатын сүгэр.
1945 муус устар 16 күнүгэр Арҕаа Пруссияҕа Гермау куорат аттыгар буолбут кыргыһыыга хорсун быһыыны оҥорбута: бастакыннан атаакаҕа киирэн өстөөх траншеятыгар тиийбитэ, 7 өстөөҕү суох гыммыта уонна атыттар көмөлөрүнэн 25 ньиэмэс саллаатын уонна эпиһиэрин билиэн ылбыта. Ол кыргыһыыга ыараханнык бааһырбыта, өр госпиталларга эмтэммитэ уонна 1946 сыллаахха биирдэ дойдутугар төннүбүтэ.
Икки оҕону улаатыннарбыта. 1986 сыллаахха өлбүтэ. Кыыһа Вера Андреевна Дьяконова суруйбут ахтыытынан Хатастааҕы "Тускул" култуура киинэ Андрей Дмитриевич туһунан киинэ устубута.
Аатын үйэтитии
[уларыт | биики-тиэкиһи уларытыы]Дьокуускай куорат дууматын 2015 сыл балаҕан ыйын 9 күнүнээҕи быһаарыытынан Хатаска баар куоллаҕас кини аатынан ааттаммыта[1].
Быһаарыылар
[уларыт | биики-тиэкиһи уларытыы]- ↑ Зедгенидзева А.Н. и др. Имена на улицах Якутска. Выпуск 4. Биобиблиографический справочник. — Якутск: Офсет, 2022. — С. 608-609. — 697 с. — 69 экз.