Дегтяревтар ааттарынан уулусса
Дегтяревтар ааттарынан уулусса — Дьокуускай куорат уокуругун Хатас сэлиэнньэтигэр баар уулусса. Куорат дууматын 2015 сыл балаҕан ыйын 9 күнүнээҕи быһаарыытынан Хатас учууталлара Николай Иванович уонна Екатерина Николаевна Дегтяревтар ааттарынан ааттаммыт[1].
Николай Иванович Дегтярев, Хатас оскуолатын учуутала, САССР народнай просвещениетын туйгуна. 1920 с. муус устар 8 күнүгэр Уус Алдан улууһун Бээрийэ сэлиэнньэтигэр төрөөбүт. 1940 с. Дьокуускайдааҕы педучилизены бүтэрбит. Абый оруйуонугар саха тылын уонна литэрэтиирэтин учууталынан үлэтин саҕалаабыт. Сэрии сылларыгар оскуолаҕа военруктаабыт. 1944-48 с. Абый оунна Уус Алддан райкомолларын бастакы сэкиритээрэ. 1949-60 сс. Уус Алдаҥҥа Өнөр сэттэ кылаастаах оскуолатын, Өлүөхүмэҕэ Абаҕа ситэтэ суох орто оскуолатын, Марха оҕо дьиэтин, Хатас орто оскуолатын дириэктэрдэринэн үлэлээбит. 1995 с. өлбүт.
Екатерина Николаевна Дегтярева Хатас орто оскуолатын учуутала, САССР народнай просвещениетын туйгуна. 1920 с. бэс ыйын 1 күнүгэр Хатаска төрөөбүт. 1940 с. Дьокуускай педучилищетын бүтэрбит. Абыйга Дружина сэлиэнньэҕэ нуучча тылын уонна литэрэтиирэтин учууталынан үлэтин саҕалаабыт. 1946-58 сс. Уус-Алдан. Өлүөхүмэ оруйуоннарын уонна Дьокуускай анныгар Марха сэлиэнньэтин оскуолаларыгар учууталлаабыт. 1958 сылтан Хатаска учууталлаабт. 1967-1970 сс. Уус-Алдан Танда оскуолатыгар үлэлээбит. Хатас дьахталларын сэбиэтин бэрэстээтэлинэн, Хатас сэбиэтин дьокутаатынан талыллан үлэлээбитэ. 2020 сыллаахха "Үйэ саас" бэлиэннэн наҕараадалыымыта. 2021 сыллаахха ыам ыйын 23 күнүгэр өлбүтэ.
Дегтяревтар 6 оҕону улаатыннарбыттара.
Дегтяревтар тустарынан бэчээккэ
[уларыт | биики-тиэкиһи уларытыы]- Дегтяревы Николай Иванович и Екатерина Николаевна // История улиц нашего села : проект "Хатассы в лицах" / А. Иванова уо.д.а. - Дь. : Айспринт. 2020. - С. 33-36.
Быһаарыылар
[уларыт | биики-тиэкиһи уларытыы]- ↑ Зедгенидзева А.Н. и др. Имена на улицах Якутска. Выпуск 4. Биобиблиографический справочник. — Якутск: Офсет, 2022. — С. 110-111. — 697 с. — 69 экз.