Губин Владимир Сергеевич (1939-1964)
Губин Владимир Сергеевич (1939-1964) — Дьокуускайга үлэлии сылдьан 4 ууга түспүт оҕону быыһаабыт эдэр киһи.
1939 сыллаахха Мурманскайга төрөөбүт. 1956 с. хараабыл тутар судоверфькэ үлэтин саҕалаабыт. 1958 с. Ленинградтааҕы уу көлөтүн институутугар үөрэнэ киирбит, экэнэмиис идэтин баһылаабыт, үөрэнэ сылдьан Дьокуускайга практикатын барбыт. 1963 сыллаахха институту туйгуннук бүтэрэн баран Өрүс флотун министиэристибэтин направлениетынан Ленскай бассейновай управление Дьокуускайдааҕы учаастагар старшай экэнэмииһинэн үлэҕэ киирбит. Онтон былаанныыр-экэниэмикэ отделыгар начаалынньыгынан анаммыт. Кэргэннээх эбит, өлөрүгэр ойоҕо хат эбит.
1964 с. алтынньы 8 күнүгэр кэргэнинээн үлэлэриттэн дьиэлээн иһэн Саллаат күөлүгэр оҕолор ууга түһэн эрэллэрин көрбүттэр. Чараас мууһунан сыыллан киирэн Владимир 4 оҕону быыһаабыт, ол эрээри бэйэтэ кыайан тахсыбатах. Быыһаммыт оҕолор Галя Колесникова балтыларынаан уонна Игорь Королев этилэр.
Аатын үйэтитии
[уларыт | биики-тиэкиһи уларытыы]Владимир Губин өлбүтүн кэннэ "Бочуот Бэлиэтэ" уордьанынан уонна Саха АССР Үрдүкү Сэбиэтин бөрөсүүдьүмүн Бочуоттаах грамотатынан наҕараадаламмыта, ЫБСЛКС Саха сиринээҕи обкуомун Ытык кинигэтигэр киллэриллибитэ.
1964 сыллаахха алтынньы 30 күнүгэр Дьокуускай горсоветын быһаарыытынан Озерная уулусса кини аатын сүгэр буолбута.[1]. 2019 сыл алтынньы 8 күнүгэр Губин уулуссатыгар бүүһэ аһыллыбыта.
Быһаарыылар
[уларыт | биики-тиэкиһи уларытыы]- ↑ Зедгенидзева А.Н. и др. Имена на улицах Якутска. Выпуск 4. Биобиблиографический справочник. — Якутск: Офсет, 2022. — С. 104-105. — 697 с. — 69 экз.