Горемыкин Александр Дмитриевич
Горемыкин Александр Дмитриевич (1832-1904) — 1889-1900 сылларга Иркутскай күбүөрүнэ генерал-күбүрүнээтэрэ уонна Иркутскай байыаннай уокурук командующайа, инфантерия генерала, дворянин.
Новгород күбүөрүнэтиттэн төрүттээх. 1893 с. инфантерия генерала буолбут.
Иркутскай күбүөрүнэтин салайан олорон Саха уобалаһа сайдыытыгар өҥөлөрүн иһин 1903 сыллаахха олунньу 10 күнүгэр Дьокуускай Ытык киһитин (Почетный гражданин) аата иҥэриллибитэ[1]. Кини күбүрүнээтэрдээн олордоҕуна Өлүөнэҕэ пароходство сырыыта атаҕар турбута, суут реформата буолбута, Дьокуускайга диэри телеграф тардыллыбыта, уобалас Норуот үөрэҕириитин училищеларын уларыта туппуттара уо.д.а.
Санкт-Петербурга 1832 сыллаахха тохсунньу 16 (28) күнүгэр жандармерия подполковнигын (кэлин генеарл-майор) Дмитрий Иванович Горемыкин (1804—1868) уонна кини кэргэнэ Варвара Николаевна (төрүүрүгэр Судовщикова) дьиэ кэргэннэригэр төрөөбүт. Аҕата Новгород күбүөрүнэтин дворяннарыттан төрүттээҕэ.
Сулууспатын иһин Арассыыйа Импиэрийэтин үрдүкү уордьаннарынан наҕараадаламмыта, бриллианнардаах Сиб. Александр Невскэй уордьаныгар тиийэ.
1904 сыллаахха бэс ыйын 8 (21) күнүгэр 72 сааһыгар өлбүтэ. Митрофаниевскай кылабыыһаҕа көмүллүбүтэ.
Быһаарыылар
[уларыт | биики-тиэкиһи уларытыы]- ↑ Горемыкин Александр Дмитриевич // И.В. Уваровская Почетные граждане города Якутска. 1889-2011: Биоблиографический справочник. — Якутск: "СМИК-Мастер. Полиграфия", 2012. — С. 33-34.