Голубев Александр Ефимович
Голубев Александр Ефимович — медицина доктора, гистология профессора, Саха сиригэр XIX үйэҕэ быраастаабыт киһи.
1836 сыллаахха Нижнэй Ломов диэн Пенза губерниятыгар баар куоракка төрөөбүт. 1852 сыллаахха Пензатааҕы гимназияны бүтэрэн баран, Казаннааҕы университет быраас факультетыгар киирбит. 1857 сыллаахха бүтэрэн баран уезд бырааһа аатын ылбыт уонна ол сыл Саха сиригэр үлэлии кэлбит. Ол кэлиитин кыраныысса таһыгар салгыы үөрэнэр харчыта суоҕунан быһаараллар, Саха сиригэр ийэтэ ииппит киһитэ А. Семеняев көмүс хостуура.
8 сыл Өлүөхүмэ уокуругун бириискэлэригэр бырааһынан үлэлээбит, бииргэ иитиллибит убайын тэрилтэтигэр ону таһынан бирикээсчиктээбит курдук. Онтон, убайа өлбүтүн кэннэ нэстилиэнньик буолбут, «Голубев и Ко» диэн табаарыстыба тэрийбит. 1865 сыллаахтан Петербурга үлэлиир, онтон 1867 сыллаахха Австрияҕа Грац университетыгар стажировкаланар.
Ол кэмҥэ кэлин ойоҕо буолбут нуучча бастакы дьахтар бырааһа Надежда Суслованы кытта билсэр. Өр сылларга науканнан уонна студеннары үөрэтииннэн дьарыктанан баран 1879 сыллаахха астаапкаҕа тахсан Кырыымҥа олохсуйбут.
1926 сыллаахха 90 сааһыгар өлбүт. Алуштаҕа олорон кэргэнниилэр бэйэлэрин харчыларынан гимназия, дьадаҥыларга санаторий туттарбыттара, бэйэлэрин именияларыгар дьадаҥы оҕолорго оскуола арыйан үлэлэппиттэрэ. Надежда Прокофьевна олохтоох татаар дьахталларын босхо эмтиир этэ.
Литература
[уларыт | биики-тиэкиһи уларытыы]- Первая русская женщина врач, "Медицинская газета" 18.01.2008, В. Христофоров
Ыйынньыктар
[уларыт | биики-тиэкиһи уларытыы]- Профессор А.Е. Голубев и его окружение. Таврия университетын научнай библиотекатын саайта.
 |
Бу киһи туһунан сиппэтэх ыстатыйа. Көннөрөн уонна эбэн биэрэн Бикипиэдьийэҕэ көмөлөһүөххүн сөп. |