Германия футбол чемпионата

Германия футбол чемпионата, ол эбэтэр Футбол федерал лигата (ниэм. Fußball-Bundesliga), Германия бастыҥ футбол куоталаһыыта, үрдүкү футбол дивизиона буолар. Бундеслига (Bundesliga) диэн кылгас аатынан ордук биллэр. 1963 сылга тэриллибитэ. Бавария Мүнхен билигин Германия чемпионатын бастыҥ 34 төгүллээх чемпиона буолар.

Бундеслига 18 кыттааччы кулууптаах. Футбол сезона атырдьах ыйыттан кэлэр сыл ыам ыйыгар дылы буолар. Сезон устата хас биирдии хамаанда 34 матчы оонньуур. Чемпионат түмүгүнэн икки мөлтөх хамаанда Иккис Бундеслигаҕа түһэр. Иккис Бундеслига икки бастыҥ хамаандата кинилэри аныгыскы сезоҥҥа солбуйар. Бундеслига 16-с буолбут хамаандата Иккис Бундеслига үһүс хамаандатын кытта орун былдьаһаллар. Бундеслига бары хамаандалара Германия куубагар кытталлар. Бундеслига чемпиона уонна Кубок кыайыылааҕа Германия суперкуубагын былдьаһаллар. Өскөтүн чемпион куубагы ылбыт буоллаҕына кини Бундеслига иккис хамаандатын кытта Суперкуубагы былдьаһар. Бундеслига чемпиона, иккис, үһүс хамаандалара Чемпион лигатыгар быһа тахсаллар. Төрдүс хамаанда Чемпион лигатын квалификациятыгар оонньуур. Бэһис алтыс хамаандалар, маны тэҥэ Германия куубагын кыайыылааҕа, Дьобуруопа лигатыгар тахсаллар. Германия УЕФА рейтингар сезоннааҕы коэффициеныттан көрөн бу бэрээдэк уларыйыан сөп.

Германия чемпионата аан дойду биир күүстээх футбол дивизиона буолар. 2024 сыллааҕы УЕФА рейтингынан Бундеслига төрдүс оруннаах. Кинитээҕэр үөһээ Англия, Испания, Италия чемпионаттара эрэ бааллар.

Чемпионнар

Сезон Чемпион 1963–1964 Көльн ФК 1964–1965 Вердер Бремен 1965–1966 1860 Мүнхен 1966–1967 Айнтрахт Брауншвейг 1967–1968 Нүрнберг ФК 1968–1969 Бавария Мүнхен 1969–1970 Боруссия Мөнхенгладбах 1970–1971 1971–1972 Бавария Мүнхен 1972–1973 1973–1974 1974–1975 Боруссия Мөнхенгладбах 1975–1976 1976–1977 1977–1978 Көльн ФК 1978–1979 Хамбургер СВ 1979–1980 Бавария Мүнхен 1980–1981 1981–1982 Хамбургер СВ 1982–1983 1983–1984 Штутгарт ФК 1984–1985 Бавария Мүнхен 1985–1986 1986–1987 1987–1988 Вердер Бремен 1988–1989 Бавария Мүнхен 1989–1990 1990–1991 Кайзерслаутерн ФК 1991–1992 Штутгарт ФК 1992–1993 Вердер Бремен 1993–1994 Бавария Мүнхен 1994–1995 Боруссия Дортмунд 1995–1996 1996–1997 Бавария Мүнхен 1997–1998 Кайзерслаутерн ФК 1998–1999 Бавария Мүнхен 1999–2000 2000–2001 2001–2002 Боруссия Дортмунд 2002–2003 Бавария Мүнхен 2003–2004 Вердер Бремен 2004–2005 Бавария Мүнхен 2005–2006 2006–2007 Штутгарт ФК 2007–2008 Бавария Мүнхен 2008–2009 Вольфсбург ФК 2009–2010 Бавария Мүнхен 2010–2011 Боруссия Дортмунд 2011–2012 Боруссия Дортмунд 2012–2013 Бавария Мүнхен 2013–2014 2014–2015 2015–2016 2016–2017 2017–2018 2018–2019 2019–2020 2020–2021 2021–2022 2022–2023 2023–2024 Байер Леверкузен 2024-2025 Бавария Мүнхен

Сигэлэр

• Bundesliga