Гемофилия аан дойдутааҕы күнэ
Гемофилия аан дойдутааҕы күнэ — сылын ахсын аан дойдуга муус устар 17 күнүгэр бэлиэтэнэр. Хааннара бөлүөхсүбэт буолан, кыра да баастан дьон хааннарын сүтэрэн өлөр ыарыылара. Бу ыарыыга болҕомто тардаары 1989 сыллаахтан бэлиэтиир буолбуттара.
Сылын ахсын бу күн туспа слоганнаах буолар. Холобур 2025 сыллааҕы слоган маннык: Access for all: Women and girls bleed too (Барыбытыгар: Дьахталлар уонна кыргыттар эмиэ хааннара барар).
Бу күн тугу гыныахха сөбүй (Гемофилия аан дойдутааҕы федерациятын сүбэлэрэ)
[уларыт | биики-тиэкиһи уларытыы]- Олохтоох дьаһалтаҕа, талыллыбыт дуоһунастаах дьоҥҥо, доруобуйа министерствотыгар эбэтэр доруобуйаны харыстыыр атын салалтаҕа сурук ыытан туох эрэ ыарыһахтарга көмөлөһөр дьайыыны оҥороллорун көҕүлээ. Оннук сурук холобурун мантан булуоххун сөп.
- Дойдугар баар ыарыһахтар тэрилтэтин кытта сибээстэс,
- Гемофилия аан дойдутааҕы федерациятын (WFH) национальнай тэрилтэлэрин бул (испииһэк манна баар)
- Дойдугар баар тэрилтэҕэ волонтердаа уонна доҕотторгун ыҥыр. Атын дьону кытыннаран, эн элбэх киһиэхэ биһиги түмсүүбүт туһунан билиһиннэрэҕин!
- Олохтоох хаһыаттарга, иһитиннэрэр-биллэрэр эйгэ атын тэрилтэлэригэр пресс-релизтэ суруйан тарҕат: холобура манна баар.
- Ыарыы уонна ыарыһахтар тустарынан кэпсээннэри түмэт-ситимнэринэн тарҕат, хаан ыарыылаах дьону кытта ситимнэс, кинилэр кэпсээннэрин билис, уонна доруобуйа харыстабылын салайааччыларыгар бэйэҥ этиилэргин тиэрт.
Сигэлэр
[уларыт | биики-тиэкиһи уларытыы]- Гемофилия аан дойдутааҕы күнэ
- «World Hemophilia Day» Архыыптаммыт 2016, Кулун тутар 21 күнүгэр.(ааҥл.)