Воронежтааҕы судаарыстыбаннай мэдиссиинэ университета

Бикипиэдьийэ диэн сиртэн ылыллыбыт

Воронежтааҕы судаарыстыбаннай мэдиссиинэ университета

Н. Н. Бурденко аатынан Воронежтааҕы судаарыстыбаннай мэдиссиинэ университета - Воронеж куоракка баар мэдиссиинэ үрдүк үөрэҕин тэрилтэтэ(ВГМУ) Арассыыйаҕа үрдүк үөрэх кырдьаҕас тэрилтэлэриттэн биирдэстэрэ.

Устуоруйата[уларыт | биики-тиэкиһи уларытыы]

1801 с.муус устар 12 күнүгэр ыраахтааҕы Александр l укааһынан Арассыыйа Хотугулуу-Арҕаа өттүгэр Дерпт(кэнники Юрьевскай, билигин Тарту)куоракка төрүттэммит уонна 1802 с.муус устар 21 күнүгэр үөрүүлээхтик арыллыбыт, ол кэннэ, 1918 с. сайыныгар Воронеж куоракка көһөрүллүбүт университет буолар. Университеты кытта ити үөрэх тэрилтэтин выпуснига уонна үлэһитэ Н.Н. Бурденко уо.д.а. көһөн кэлэннэр, 1918 сыл, сэтинньи 12 күнүгэр үөрэх саҕаланан барбыт. 1919 с.ыам ыйыгар мэдиссиинэ факультетын 75 быраас үөрэнэн бүтэрбит. 1930с. медфакультет бэйэтэ икки факультеттаах - лечебнай уонна санитарнай-гигиеническай, мэдиссиинэ института буолбут. 1994 с. мэдиссиинэ академиятын, 2015 с. - университет статуһун ылбыт. Университетка 1000-тан тахса преподаватель үөрэтэллэр уонна эмтииргэ консультативнай көмөнү оҥороллор. Ол иһигэр: 140 наука дуоктара уонна профессор, 532 наука хандьыдаата, 4 наука үтүөлээх диэйэтэлэ, 7 үрдүкү оскуола үтүөлээх үлэһитэ, 2 үтүөлээх изобретатель, 34 үтүөлээх быраас, 40-тан тахса наассыйалыы уонна норуоттар ыккардыларынааҕы уопсастыбаннай академиялар чилиэннэрэ.

Билиҥҥи кэмҥэ, ВГМУга 7500 устудьуон үөрэнэр, оттон, 1918 сылтан саҕалаан барыта 60000 испэссиэлиис үөрэнэн бүтэрбит. 2006 с. аҕа дойду мэдиссиинэтин уонна доруобуйа харыстабылын сайдыытыгар кылаатын иһин, академия М. Ломоносов уордьанынан наҕараадаламмыт.

Факультеттара уонна институттара[уларыт | биики-тиэкиһи уларытыы]

1. Лечебнай 2. Педиатрическай 3. Стоматологическай 4. Фармацевтическай 5. Медико-профилактическай 6. Сестринскэй үөрэхтээһин института 7. Үрдүк квалификациялаах каадырдары бэлэмниир факультет 8. Мэдиссиинэ үөрэҕин уонна бииргэ үлэлээһини хааччыйар норуоттар ыккардыларынааҕы факультет

Рейтиннэрэ[уларыт | биики-тиэкиһи уларытыы]

2010 сыллааҕы Арассыыйа үрдүк үөрэх тэрилтэлэрин үөрэххэ ылыы хаачыстыбатын рейтинигэр МФТИ, МГИМО уонна ВШЭ кэнниттэн 4-үс миэстэни ВГМУ ылбыт. 2014 с. "Эксперт РА" агенство ВГМУга выпусниктарын бэлэмин таһымыгар рейтин "Д" кылааһын биэрбит.

Ссылкалара[уларыт | биики-тиэкиһи уларытыы]

http://www.vrngmu.ru/ https://vgma.ru/