Бикипиэдьийэ ырытыыта:Дьаһабыллары уонна бүрүкүрээттэри талыы сиэрэ

Сирэй ис хоһооно атын тылга суох.
Бикипиэдьийэ диэн сиртэн ылыллыбыт

Бүрэкирээт уонна администраатар ааттара онооҥҥо-манааҥҥа диэри сахатыйбакка чэ хааллыннар да. Кэлин манна дьон элбээтэҕинэ баҕар суолта биэрэн бу ааттары уларытыахтара буоллаҕа. --HalanTul 12:38, 15 От ыйа 2008 (UTC)

Администратор - дьаһабыл. Администрирование - дьаһайыы, ыйыы-кэрдии, салайыы. Ыйааччы-кэрдээччи - диир хайдах эрэ сатабыла да суох, ыйааччы диэн эмиэ да висельник диэҥҥэ майгынныыр. Салайааччы диэн буоллаҕына бэйэтэ номнуо арыый киэҥ өйдөбүллээх - руководитель. Смотритель, наблюдатель, смотрящий (зоны), ведущий, проводник диэн эмиэ бааллар. Көрөөччү, чуҥнааччы, ыытааччы, сирдьит. Эмиэ сөп түбэспэт курдуктар. Чэ онон Дьаһабыл буоллун. --HalanTul 22:35, 9 Атырдьах ыйа 2008 (UTC)


Дыы... хайдах судургу баҕайыны уустугурдаҕын?! Бюрократ - салайааччы. Администратор - сүрүннээччи. Эбэтэр, "бүрүкүрээт", "эндьистээтэр" диэн арыый сахалыыга чугас соҕус буолуо этэ. Дьаһабыл - распоряжение диэн, киһи буолбатах. Холобур: туох эрэ диэн дьаһабыл кэллэ. Оттон киһи - дьаһайааччы эбэтэр дьаһабыллааччы диэн буолуон сөп этэ. Эн тыллары туруораргар муҥ саатар манна: http://sakhatyla.ru көрөр буолаар эрэ. Тыл үөрэхтээхтэрин син билистиҥ быһыылаах - олортон ыйыт иҥин ээ. Бастаан тыл суолтатын, төрдүн интернекка үөрэтэн баран (холобур, манна http://slovari.yandex.ru/ )--Bert Jickty 16:24, 29 Атырдьах ыйа 2008 (UTC)

Доо, оттон баччааҥҥа дылы ханна сылдьыбыккыный))) Син кэпсэтиибэр хоруйу кэтэһэн көрөн баран, онно манна дьону кытта алтыһан баран оҥорбутум. Наһаа да өйдөөх киһигин ээ. Ол гынан баран дьону кытта сатаан кэпсэппэккин. Чэ табаарыспын билэр буоллаҕым, онон өһүргэммэппин. Распоряжение - дьаһал, дьаһабыл буолбатах. Дьаһабыл диэн тылы Лугинов кинигэтиттэн билбитим (киниэхэ орто баартыйа военачальник). Мин саныахпар бассар курдук, көһөрүөххэ сөп буо, арыый атын суолтаҕа. Итини Алтан да Сарын, Бен Иехуда да тылы сайыннарарга сөптөөх суолунан ааҕаллар этэ.
Тыл үөрэхтээхтэрин кытта син алтыстым. Сөпкө этэҕин. Ол гынан баран сорохторо көмөлөһөр "улахан баҕалара" суох, сорохторо син кэпсэтиигэ кытталлар эрээри үксүн атын дьон сыыһатын хостуу-көрдөрө сатыыллар (тус бэйэлэрин "сэриилэрин" атын сонун плацдармҥа таһаарыахтарын баҕараллар), тиэрэ-маара эрдэллэр (противоречат и себе и другим лингвистам). Ол иһин Дапсы эппит тылынан салаллабын: бикипиэдьийэҕэ үлэлии сылдьар, дьарыктанар дьон саҥа тыл/тиэрмин хайдах сурулларын бэйэҕит талыахтааххыт, ол иҥэн хаалыа, нуорма буолуо. Көстөрүн курдук Дапсы таба суруйуу (орфография) туһунан маны эппитэ, ол гынан баран итини мин арыый кэҥэтэн өйдүүбүн. Тыл эрэ биһиги бырайыакпытыгар буолбакка, биһиги бырайыакпыт тылга эмиэ сабыдыаллаах буолуохтаах диэн холус соҕус буолуо гынан баран олохтоох санааны тутуһарбыт сөп.
Интерфейс тылбааһыгар кыттаргын салгыырыҥ буоллар. Хомойуох иһин кэлиҥҥи сылтан ордук кэмҥэ ким да манна кылаатын киллэрбэтэ. Соҕотох киһи ычата кыра буоллаҕа;-) көмө наада. --HalanTul 21:14, 29 Атырдьах ыйа 2008 (UTC)