Бикипиэдьийэ:Сахалыы Бикипиэдьийэ сайдар былаана

Кэм-кэрдиис ааһан иһэр, дьон кэлэр-барар, үлэ үгэнигэр сороҕор туохха дьулуһар туһунан санаабаппыт даҕаны.

Бу сирэйгэ ситиһиэхтээх чыпчаалларбыт уонна оҥоһуллуохтаах хаамыыларбыт көстөллөр.

Сайдыы оҥкуллара (стратегия)

Сахалыы Бикипиэдьийэ саха тылын өйүүр, сайдыытын хааччыйар, өлбөт-сүппэт ыйаахтыыр аналлаах.
Сахалыы Бикипиэдьийэ бэйэтэ бэйэтин сайдыытын хааччынар, сиэрин-туомун көрүнэр, көхтөөх түмсүүлээх буолуохтаах.
Ис хоһооно биэс тулааһыны кэһиэ суохтаах.
Саха омугар, санаатыгар-оноотугар бигэтик олохсуйуохтаах, итэҕэтиилээх буоларга кыһаныахтаах (пиар).
Саҥаттан-саҥа дьон киирэн иһэллэригэр аһаҕас буолуохтаах, саҥа дьон кэлэллэрин хааччыйар хаамыылары куруук оҥоро туруохтаах.
Бырайыакпыт күүстээх өрүтэ - Саха сирин, саха дьонун, саха тылын туһунан ыстатыйалар. Бу хайысханы куруук болҕомто үөһүгэр илдьэ сыдьар куолу.
Атылыы сахалыы биики-бырайыактары сайыннарарга кыһаллыахтаахпыт: Бикитиэкэ, БиикиАйан, БиикиТылдьыт, БиикиХааһах уо.д.а.
Бикипиэдьийэ - Сахалыы Интэриниэт уонна аныгы ньыматык биир тутаах атаҕа.
Атын тылынан тахсар бикипиэдьийэлэри уонна култуураҕа, тылга сыһыаннаах бырайыактары кытта ыкса ситимнэһии. Хайысхалара: Арассыыйа тыллара, түүр тыллара, Саха сирин аҕыйах ахсааннаах омуктарын тыллара, аан дойду төрүт омукарын тыллара.

Хаамыылар

Руобат оҥорор дьон: кэмиттэн кэмигэр көстөр соруктары быһаарар "буот иитээччилэр" баар буолуохтаахтар
Үнүбэрсиэт - уһуйааччылары кытта үлэ, үөрэх хаамыытыгар бикипиэдьийэни көмөлөһүннэрии, онно бигэтик киирии
Гуманитарнай чинчийэр үнүстүүт - учуонайдары кытта бииргэ үлэлииргэ, ыстатыйа ис хоһоонун тупсарыыга бырайыак оҥоруу, бикипиэдьийэ тылын-өһүн чинчийэр дьону булуу
Хаһыаттар, сурунааллар - рубрикалар, биллэриилэр
Бикипиэдьийэ сиэрдэрэ - тупсарыы, куоластаан ылыныы
Дьаһабыллары талыы - үс-түөрт киһини булуу
Ыйыы-кэрдии (кинигэ) - дьоҕус гынан баран ойуулаа-дьарҕаалаах, ааҕарга кэрэхсэбиллээх, туттарга тупсаҕай кинигэни суруйуу, таһаарыы.