Бикипиэдьийэ:Күрэс:Бириис туттарыы сиэрэ

Сахалыы Бикипиэдьийэ ыытар күрэстэригэр кыайыылаахтары бирииһинэн наҕараадалыыр түгэҥҥэ маннык сиэри тутуһар куолу:

Сурукка киирбит аатын эппэтэх кыттааччы күрэскэ тастан эрэ кыттыан сөп. Ол аата бириистээх миэстэҕэ тиксибэт, бирииһи ылар кыаҕа суох, күрэһи тэрийээччилэр оннук кыттааччыны туһунан, атыннык бэлиэтиир бырааптаахтар.
Күрэскэ кыттар киһи Бикипиэдьийэҕэ бэлиэтэнэригэр электрон аадырыһын ыйыахтаах, уонна атын кыттааччылартан сурук тутар кыахтаах буолуохтаах (оннук суругу тутарын көҥүллүүр туһунан бэлиэтиэхтээх).
Күрэс кыайыылаахтара бириистэрин тэрийээччилэртэн ыларга төһө кыалларынан көмөлөһөллөрө ирдэнэр.
Түмүгү таһаарыы уонна бирииһи туттарыы хаамыыта:
1. Күрэһи тэрийээччилэр түмүгү эрдэттэн ыйыллыбыт кэмигэр таһаарыахтаахтар — ол аата дьүүллүүр сүбэ илии баттаабыт түмүгүн дьон көрөрүгэр эрдэттэн ыйыллыбыт кэмигэр, күнүгэр-дьылыгар бэчээттиэхтээхтэр.
2. Тэрийээччилэр күрэс түмүктэммитин кэннэ икки нэдиэлэ иһигэр кыайыылаахтарга тус бэйэлэригэр тахсан ирдэнэр информацияны көрдүөхтээхтэр (ИНН уо.д.а.). Бу көрдөбүл биики-почта көмөтүнэн уонна кыттааччы тус сирэйгэр суруйан оҥоһуллар (кыайыы туһунан биллэриини да кытта буолуон сөп).
3. Кыайыылаахтар сурук ыытыллыбытын кэннэ икки нэдиэлэ иһигэр ыйыллыбыт реквизиттэри толору ыытыахтаахтар.
4. Тэрийээччилэр бириистэри кыайыылаахтарга үс ый иһигэр ыытыахтаахтар.
Бикипиэдьийэ манна ыйыллыбыт болдьоҕу кэспит кыттааччылар бириистэрин биэрэртэн батыныан уонна тиксибэтэх бирииһи атын сорукка туһаныан сөп.
Бу сиэри кэһии кыттааччыттан тутулуга суох төрүөтүнэн тахсар түгэнигэр, кыттааччы күрэс тэийээччилэригэр быһаарыы оҥорор кыахтаах.
Күрэс тэрийээччилэрэ бу сиэр балаһыанньаларын күрэс кыттааччыларыгар барыларыгар тиэрдэр усулуобуйаны хааччыйыахтаахтар.
Бикипиэдьийэ дьаһабыллара, күрэһи тэрийээччилэр, күрэс партнердара кыттааччыларга төһө кыалларынан сиэрдээхтик сыһыаннаһыахтаахтар, уонна манна ыйыллыбыт сиэр алҕас кэһиллэр түгэнигэр төһө кыалларынан кыттааччы диэки буола сатыахтаахтар.