Байкалов Карл Карлович

Бикипиэдьийэ диэн сиртэн ылыллыбыт
Перейти к навигации Перейти к поиску
Байкалов Карл Карлович

Ка́рл Ка́рлович Байка́лов (дьиҥнээх араспаанньата Некундэ) (18861950) — сэбиэттэр сэрии тойонноро. Гражданскай сэрии кыттыылааҕа.

1886 сыллаахха Латвияҕа революционердар ыалларыгар төрөөбүтэ. 1906 сыллаахха революция туһугар охсуһууга турбута ол түмүгэр Прибайкальеҕа көскө ыытыллыбыта. Гражданскай сэрии саҕаланыаҕыттан биэс быааттарын кыттта этэрээт тэрийбитэ. Ол кэнниттэн этэрээт элбээн барбыта. Байкалов этэрээтэ Кыһыллар 5-с армиятыгар кубулуйбута. 1921 сыл балаҕан ыйыгар Байкалов салалталаах 22-с этэрээт Монголияҕа ыытыллыбыта Үрүҥнэри кыайаары. Ол гынан баран Монголия арҕаа өртүгэр Толбо диэн монастыырга үрүҥнэр эргийбиттэрэ. Кыһыллар кэлэн босхолообуттара.

1922 сыл кулун тутар 6 күнүгэр Якутскай уобалас сэриилэрин хамандыыра Каландаришвили өлбүтүн кэннэ кини дуоһунаһыгар Байкалов ананар. муус устар 24 күнүгэр Байкалов Дьокуускайга кэлэр уонна өрө турууну хам баттыыр. 1923 сылга Пепеляев генералы утары сэриини салайбыта.

1923 сылга Дьокуускайтан барбыта уонна 5-с армия Военнай трибуналыгар үлэлээбитэ. 1924 - 1925 сыларга Тоҥустар өрө туруларыгар кинилэри кыргар хамыһыйа бэрэсэдээтэлинэн анаммыта. Ол кэнниттэн ВЦИК иһинээҕи Хоту комитетка үлэлээбитэ, Якутскай обком серетаарын эбээһинэһин толорбута, Конфедералистар хамсааһынын хам баттаһыҥҥа кыттыбыта, Ксенофонтовы аресттаабыта.

1937 сыл балаҕан ыйын 7 күнүгэр Байкалов аресттаабыттара троцкистскай тэрилтэҕэ кыттыылааҕын иһин, уонна 10 сылга хаайыыга барбыта. 1941 сылга болдьоҕун 5 сылга дылы кыччаппытара.

Байкалов 1950 сыл атырдьах ыйыгар Абалаахха өлбүтэ. 1956 сылга реабилитацияламмыта.

Сигэлэр[уларыт | биики-тиэкиһи уларытыы]

  1. Шамбаров В. Е. Белогвардейщина. М., Эксмо-Пресс, 2002
  2. Клипель В. И. Аргонавты снегов. О неудавшемся походе генерала А. Пепеляева. [1] (билигин бу сайт аһыллыбат)
  3. Конкин П. К. Драма генерала. [2]
  4. Пепеляевщина. 6 сентября 1922 — 17 июня 1923 гг.. [3]
  5. Грачев Г. П. Якутский поход генерала Пепеляева. (под редакцией П. К. Конкина)[4]