Бикипиэдьийэ:Кэпсэтэр сир/Сонуннар

Бикипиэдьийэ диэн сиртэн ылыллыбыт

Актуально Актуально  к·ы·у 
Сиэри-туому ырытыы

Ис хоһооно

ИЛДЬИТ:[куодун уларытыы]

"Харчы" марафоҥҥа кыайбытыҥ иһин бириис (ноутбук) уонна биики-бириэмийэ статуэтката биһиги эрэдээксиэйбитигэр баар, ону кэлэн ыларгар көрдөһөбүн".' Ол эбэтэр "Байдам" сурунаал эрэдээксийэтигэр, Бизнес-киин, 7-с этээс, 709-с хос. В блок. — Маны илии баттаабакка эрэ Егор Николаев (ыр. · кыл.) 25 Ахсынньы 2014 суруйбут


Араадьыйаҕа Бикипиэдьийэ күнэ[куодун уларытыы]

Сарсын, тохсунньу 15 күнүгэр Бикипиэдьийэ 16 сааһа. Онон ситимнээн Саха Араадьыйата миигиттэн интервью ылла, төлөппүөнүнэн. Сарсын сарсыарда 10.15 нууччалыы тахсыаҕа. Ол иннинэ атын суруналыыс Полина Перуашева бэйэтин эфииригэр эмиэ төлөпүөнүнэн холбуу сылдьыах буолла. Бу сырыыга сахалыы. Ол сарсыарда аҕыһы ааһыыта буолар быһыылаах. Быһа эфиир. Итинэн да түмүктэммэт ;) Ааспыт нэдиэлэҕэ ытык киһибит Дапсы нэдиэлэ аайы тахсар биэриитигэр ыҥырбыта. Онто эмиэ сарсын буолар. Киэһэ сэттэни ааһыыта. --HalanTul (ырытыы) 10:54, 14 Тохсунньу 2014 (UTC)

«Харчы» Марафон түмүктэннэ[куодун уларытыы]

Тохсунньу 7 күнүгэр Дьокуускай кэминэн 24 чааска күрэс түмүктэннэ! Бикипиэдьийэбитигэр 10 073 ыстатыйа баар буолла. --HalanTul (ырытыы) 14:23, 7 Тохсунньу 2014 (UTC)

10'000 articles[куодун уларытыы]

Congratulations! --Holder (ырытыы) 18:45, 6 Тохсунньу 2014 (UTC)

Махтал/Thank you! --HalanTul (ырытыы) 03:21, 7 Тохсунньу 2014 (UTC)

Уруй-айхал буоллун! 10 тыһыынча ыстатыйа баар буолла![куодун уларытыы]

Хас да кыттааччы күрэстэспиттэрин түмүгэр 10 000 нүөмэрдээх ыстатыйаны Ykt www кыттааччы суруйда! Бэйэ-бэйэбитин эҕэрдэлэһиэххэйиҥ - бикипиэдьийэбит кыра бикипиэдьийэлэр ахсааннарыттан таҕыста!
Оттон Ykt www кыттааччыны бикипиэдьийэ устуоруйатыгар киирбитинэн эҕэрдэлиэххэйиҥ, ону таһынан киниэхэ марафоммут бириистэриттэн биирдэстэрэ ананар!--HalanTul (ырытыы) 11:50, 5 Тохсунньу 2014 (UTC)

Интэриниэтим отой «өлөн» хаалла. Ким эмит Вики-новости иҥин суруйара буоллар, ханнык эрэ интэриниэт хаһыаттарга, форумнарга иҥин. --HalanTul (ырытыы) 12:44, 5 Тохсунньу 2014 (UTC)
Поздравляю всех с 10-тысячной статьёй!!! Желаю дальнейших успехов!--Visem (ырытыы) 15:29, 5 Тохсунньу 2014 (UTC)
Уруй-айхал!!! :) --Сур Бөрө (ырытыы) 16:29, 5 Тохсунньу 2014 (UTC)

Хараҕа суох киһи ыстатыйа суруйда![куодун уларытыы]

Бүгүн Юрий Москвитин диэн киһиэхэ бара сырыттым. Юрий Афанасьевич ХИФУ иһинэн баар көрбөттөр адаптивнай технологияларын лабораториятын сэбиэдиссэйэ. Көрбөт. Ол эрэн аналлаах тактильнай монитор уонна саҥарар синтезатор көмөтүнэн интэриниэти ааҕар эбит. Ыстатыйа суруйан көрөҕүн дуо диэбиппэр сөбүлэстэ. Уонна Толбон (тэрилтэ) диэн ыстатыйаны суруйда. Бикипиэдьийэ көрбөт киһи үлэлииригэр, навигациятыгар ыарахаттардаах эбит. Маны тупсарар туһугар анаан дьарыктаныахха наада. --HalanTul (ырытыы) 04:24, 24 Ахсынньы 2013 (UTC)

Саҥа дьыллааҕы үгэс буолбут марафон[куодун уларытыы]

Сылбыт бүтэн эрэр. Үгэс буолбут марафоммутун ыытыаххайыҥ эрэ.
Быйыл бирииһи "Трейд" диэн Дьокуускайдааҕы тэрилтэ дириэктэрэ, нумизматиканан дьарыктанар Никифор Иванов олохтоото. Бэрт баҕайы нетбуку хайыы үйэ атыылаһан тиксэрдэ. Манна диэн эттэххэ, Никифор Кимович быраас үөрэхтээх, бастакы үрдүк үөрэхпитигэр биир кууруска үөрэммиппит, онон хам-хаадьа да буоллар көрсөбүт. Ааспыт нэдиэлэҕэ харчыга-үпкэ сыһыаннаах ыстатыйалар Сахалыы Бикипиэдьийэҕэ суохтарын кэриэтэ эбит диэн, кимиэхэ эмит ыстатыйа суруттараары, сыаната хаһый диэн соһуппута. Ону мин оннук ыстатыйа суруйуутугар харчы төлүүр сатаммат, хата марафоҥҥа бириистэ туруор диэтэҕим дии.
Онон быйылгы марафоммут тиэмэтэ харчы, үп уонна онно сыһыаннаах. Холобур, меценааттар, бөдөҥ бааннар, устуоруйаҕа буолбут үпкэ сыһыаннаах түбэлтэлэр уо.д.а. буолуон сөп. Никифор Кимович тиэмэни хааччахтаамыахха диир. Арай үпкэ сыһыаннаах ыстатыйалар рейтиннэрин үрдүк гыныахха сөп диир. Ону туох дии саныыгыт? Аны иккис-үһүс миэстэҕэ тиксэр бириистэри толкуйдуур хаалла. Уонна марафон ыытыллар кэмин чопчулуохтаахпыт.
Саҥа дьыл иннинэ дуу, кэннинэ дуу? Санааҕытын манна үллэстэргитигэр көрдөһөбүн. Кыымнар анонс таһаарыах буолбуттара. Онон бу кэлэр оптуорунньукка дылы (ахсынньы 17) быһааран пресс-релиз суруйдахпытына табыллар. --HalanTul (ырытыы) 22:07, 10 Ахсынньы 2013 (UTC)

Сигэлэр[куодун уларытыы]

Балаһыанньа барыла.
Пресс-релиз барыла. Көрүҥ. Тупсарыҥ. --HalanTul (ырытыы) 13:17, 12 Ахсынньы 2013 (UTC)

Ырытыы[куодун уларытыы]

  • Тус бэйэм санаабар Саҥа Дьыл кэннэ ордук буолуо, сынньалаҥ кэмигэр. Бырааһынньык иннинэ бары кэриэтэ түбүккэ сылдьар буоллахпыт. --Сур Бөрө (ырытыы) 15:14, 12 Ахсынньы 2013 (UTC)
Биир этии баар! Ол аата тохсунньу 1 күнүттэн Ороһооспоҕо дылы дуу, биитэр Эргэ Саҥа дьылга дылы дуу? --HalanTul (ырытыы) 21:09, 12 Ахсынньы 2013 (UTC)
  • Кыратык эрдэ да саҕалыахха сөбө буолуо дии саныыбын. Ити мин киллэрбит 1000 ыстатыйалары суруйуохха диэн табыллыбата дуо? --Egerman (ырытыы) 08:16, 13 Ахсынньы 2013 (UTC)
Махтал! Маннык гыныахха сөп дии санаатым. Ити тиһиккэ киирбит ыстатыйалар сүрүн тиэмэҕэ суруллар ыстатыйалары кытта тэҥҥэ сыаналаналлар. Оттон сүрүн тиэмэҕэ уонна ити 1000 тиһиккэ киирбэт ыстатыйалар эмиэ ааҕыллаллар, ол эрэн түмүк таһаарыыга ыйааһыннара икки төгүл чэпчэки. Холобур, ынах туһунан ыстатыйа харчыга сыһыана суоҕунан уонна 1000 ыстатыйа ахсааныгар киирбэтинэн биир баалы биэрэр. Оттон холобур, Манньыаттаах уолун туһунан эбэтэр тиһиккэ киирбит Вольтер туһунан ыстатыйа 2 баалы биэрэр. Хайдах дии саныыгыный? --HalanTul (ырытыы) 21:20, 13 Ахсынньы 2013 (UTC)
Саамай сөп дии саныыбын, инньэ гыннахха энциклопедиялаах билии эбиллиэ, уонна араас теманан кэҥэтиллэрэ саамай сөп? --Egerman (ырытыы) 08:40, 16 Ахсынньы 2013 (UTC)
  • Ватсаабынан дьонтон эмиэ ыйыттым. Уонча киһи Саҥа дьыл сүпсүлгэнэ бүппүтүн кэннэ ыытар ордук диэтилэр. Икки киһи үлэ-үөрэх кэмигэр эрдэ ыытар ордук дииллэр. --HalanTul (ырытыы) 02:35, 14 Ахсынньы 2013 (UTC)
  • Арай Ороһооспоттон (Григориан халандаарынан) Ороһооспоҕо (Юлиан халандаарынан) дылы ыыттахпытына? Ол аата ахсынньы 23 күнүттэн тохсунньу 7 күнүгэр дылы. Туох дии саныыгыт? Оччоҕо Саҥа Дьыл иннинэ да ыстатыйа киириэ этэ, өрөбүллэргэ да суруйар дьон баар буоллаҕына суруйуо этэ. --HalanTul (ырытыы) 01:35, 16 Ахсынньы 2013 (UTC)
Сорох дьон үлэлэригэр сынньалаҥ баар буоллаҕына суруйаллар ээ (мин курдук), инньэ гыннахха ордук табыгастаах буолуол дии саныыбын, Саҥа дьылын бэлэмниир дьон да суруйуохтара, уонна үлэһит да дьон бириэмэ таҕыстаҕына суруйуохтарын сөп курдук буолар ээ. --Egerman (ырытыы) 08:40, 16 Ахсынньы 2013 (UTC)

Түмүк[куодун уларытыы]

Араас ханаалларынан киирбит санаалары өйдөөн туран уонна манна этиллибиккэ олоҕуран маннык быһаарыаххайыҥ: Күрэһи 2013 сыл ахсынньы 23 түүнүттэн (24 чаастан) 2014 сыл тохсунньу 7 түүнүгэр (эмиэ 24 чааска дылы) ыытарга. Ол аата Саҥа Дьыл иннинэ биир, кэннинэ биир нэдиэлэ, холбоон күрэспит икки нэдиэлэ кэриҥэ ыытыллар. Балаһыанньаҕа уонна пресс-релизкэ уларытыылары киллэрэргэ. --HalanTul (ырытыы) 22:16, 16 Ахсынньы 2013 (UTC)

Хакасияҕа баран эрэбин[куодун уларытыы]

Үлэбинэн тардыллыбатахпына аныгыскы нэдиэлэни быһа Хакасияҕа сылдьар былааннаахпын. Сайдыстар ыччат форумугар ыҥырдылар. Сүрүн соруктарыттан биирдэстэрэ - төрөөбүт тылы харыстааһын уонна сайыннарыы. Ыччакка уонна кинини нөҥүө атын да дьоҥҥо саха биикиһиттэрин аатыттан тугу этиэххэ сөбүй? --HalanTul (ырытыы) 21:45, 26 Бэс ыйын 2013 (UTC)

Бу күҥҥэ Эһигини бокуойа суох бу боппуруос долгутарын быһыытынан (мантан атыны аахайбаккытынан), манна суруйан, тус Кэпсэтэр сиргитигэр элбэх ыйытыылаах СУРУК хааллардым диэн биллэрэбин, ону бука диэн болҕойон ааҕаргытыгар көрдөһөбүн уонна сөптөөх хоруйу ирдиибин. Ааҕан баран, маны тематыгар сөп түбэспэтинэн сотуоххутун да сөп. --Ykt www (ырытыы) 22:37, 27 Бэс ыйын 2013 (UTC)

Бикимиэдьийэ пуондатыгар быыбар[куодун уларытыы]

Көхтөөх кыттааччыларга биллэрии. Пуонда сайдыытыгар сабыдыаллыыр кыахтаах дьону сөпкө таларга көмө буол. Маны бааттаа. Тахсыбыт сирэйгэ Куоластааһын диэн сигэни баттаар. Салгыыта өйдөнөр. Быыбар уонна хандьыдааттар тустарынан манна ааҕыахха сөп. Ити сирэй уҥа өттүгэр Презентации кандидатов диэн баар.
Биир бэйэм хандьыдааттар программаларын эрэ буолбакка, тылы билиилэрин уонна ханна олороллорун кытта көрөн куоластаатым. --HalanTul (ырытыы) 23:22, 15 Бэс ыйын 2013 (UTC)

Түмүк таҕыста. --HalanTul (ырытыы) 21:26, 24 Бэс ыйын 2013 (UTC)

Биэс саас[куодун уларытыы]

Бикипиэдьийэбит бу күннэргэ ыам ыйыгар 5 сааһын туолла. Барыгытын эҕэрдэлээн туран кыратык бэлиэтиэххэ диэн ыҥырабын. Билигин Петербуурга сылдьабын. Онтон Москубаҕа тиийиэм. Бу куораттарга баар биикиһиттэр миэхэ тахса сылдьаарыҥ эрэ. Бу сэрэдэҕэ бикитиэкэ дьаһабылын Сандаары кытта Петербуурга Саха постпредствотыгар дьону мунньаары гынабыт. Улахан айдаана суох, уонча киһи да буоллаҕына бэрт. Викимедиа РУ тэрилтэ өйүүр. Этиилэргитин киллэриҥ. Пресс-релиз суруйа сылдьабын. --HalanTul (ырытыы) 09:56, 20 Ыам ыйын 2013 (UTC)

Петербуурга[куодун уларытыы]

Ыам ыйын 22 күнэ. 16 чаас. Постпредствоҕа Викимедиа РУ кыттыылаах үөрүүлээх тэрээһин.

Буолла. Бу туһунан манна ааҕыахха сөп (нууччалыы). Ити сирэйгэ (сурутуу) doc расширениялаах сигэни баттаан ыстатыйаны хачайдаарыҥ. --HalanTul (ырытыы) 15:52, 25 Ыам ыйын 2013 (UTC)

Москубаҕа[куодун уларытыы]

  • Ыам ыйын 18 күнэ. Плеханов аатынан экономика университетыгар Викимедиа РУ тэрээһинигэр кыттыы.
  • Ыам ыйын 27 күнэ. Постпредство.
Чуолкайданна. Киэһэ алтаҕа. "Айтал" диэн устудьуоннар ассоциацияларын активистара кэлиэх буоллулар. Уонна ким эмит өссө эбиллиэн сөп үһү, рассылка оҥоруохпут диэтилэр.
Буолла. 18 устудьуон оҕо баар этэ. Викимедиа РУ-ттан толорооччу дириэктэр Козловскай уонна өссө икки киһи, Башкиир биикитин дьаһабыла Рустам Шакирьянович Гатауллин (өрөспүүбүлүкэ статуправлениетын солбуйаааччы тойоно) кэлэ сырыттылар, тыл эттилэр. --HalanTul (ырытыы) 08:18, 31 Ыам ыйын 2013 (UTC)

Дьокуускайга[куодун уларытыы]

Бэс ыйын ... күнэ.

Долгуйар Дьокуускай куораппар кэллим ;) Аныгыскы нэдиэлэҕэ мустуохха эрэ. Былаһаакка туһунан уонна кими ыҥырарбытын толкуйдуохха эрэ. Суруналыыстартан, былаастан, биллэр дьонтон... Арай ханнык эмит устудьуоннары буллахха? Мин Москубаҕа, Пиитэргэ сырыым туһунан, КиберСаха туһунан кэпсиэм. Өссө ким тыл этиэн баҕарарый? --HalanTul (ырытыы) 08:22, 31 Ыам ыйын 2013 (UTC)

Мин кыттар кыаҕым суох. Ол эрэн, этии киллэрии бэрээдэгинэн маннык диэхпин сөп: университекка оҥорор үчүгэй этэ. --Хаҥастай (ырытыы) 09:20, 1 Бэс ыйын 2013 (UTC)

Мөлтөх тэрээһин туһалыахтааҕар таҥнарытын буортулуон сөп. Онон онуоха-маныаха дылы тохтоон эриэххэйиҥ дуу. Кимиэхэ эмит үчүгэй сэргэх санаа киирдэҕинэ миэхэ этээриҥ. --HalanTul (ырытыы) 06:57, 17 Бэс ыйын 2013 (UTC)

Сахалыы бастакы браузер[куодун уларытыы]

Бэҕэһээҥиттэн Мозилла Фаэфокс сахалыы барылын Мозилла ситим-сириттэн хачайдаан ылыахха сөп буолла. Арассыыйа тылларыттан саха тыла Фаэфокска иккиһинэн киирдэ (бастакы, биллэн турар, нуучча тыла). --HalanTul (ырытыы) 01:47, 14 Кулун тутар 2013 (UTC)

Пресс-релиз. Марафон түмүгүнэн.[куодун уларытыы]

Пресс-релиз суруйарга кыттыҥ. Барыла манна баар. --HalanTul (ырытыы) 07:57, 30 Тохсунньу 2013 (UTC)

Москубаҕа баар кыттааччыларга[куодун уларытыы]

Алматыга түүр биикилэрин мунньаҕар сылдьан иһэбин. Кира эмит Москубаҕа баар буоллаҕына көрсөн кэпчэтиэххэйиҥ эрэ. Манна алтыска дылы баарбын. Баҕар Пиитерга бара сылдьыам биир хонукка. Почтабар суруйаарыҥ halan@ya.ru --HalanTul (ырытыы) 08:33, 29 Муус устар 2012 (UTC)

Марафон 8000 түмүгэ[куодун уларытыы]

Викимедиа РУ биһиги марафоммут түмүгүн уопсай Арассыыйа бикимиэдьийэһиттэрин сылы түмүктүүр тэрээһиннэригэр (Москуба, Ушинскай аатынан бибилитиэкэ) бэлиэтиир курдук толкуйданна. Онон түмүкпүтүн хаһан таһаарары эбии суруйуоҕум. --HalanTul 01:29, 16 Тохсунньу 2012 (UTC)

Однокурсницам үөртэ[куодун уларытыы]

Бэҕэһээ однокурсницам киирэ сылдьан 7 кылааска үөрэнэр уолугар бикипиэдьийэни туһанан көмөлөспүтүн кэпсээтэ. Марк Жирков уонна ханнык эрэ суруйааччы туһунан ыстатыйалары туһаммыппыт диир. Истэргэ үчүгэй:-) --HalanTul 20:55, 10 Бэс ыйын 2011 (UTC)

Foundation-l[куодун уларытыы]

Викимедиа пуондатын сонуннарын сурутуутугар биһиги бырайыакпыт туһунан Амир Ахарони уонна Ярослав Блантер суруйбуттарыгар 10 хоруй киирбит. Манна ол суруктар архыыптарын кытта билсиэххитин сөп: http://lists.wikimedia.org/pipermail/foundation-l/2010-August/thread.html --HalanTul 21:58, 25 Атырдьах ыйын 2010 (UTC)

Бикипиэдьийэ «Санаалар» түһүлгэҕэ[куодун уларытыы]

Ykt.ru «Санаалар» фуорумугар саҥа кэпсэтии таһааран эрэбин. Соруга — дьону биикигэ суруйарга үөрэтии. Киирэн хата кыттыҥ эрэ: http://forum.ykt.ru/viewtopic.jsp?id=1251310&f=27 Салаа дьаһабыла Пчелка Майя сүрдээҕин өйөөн эрэр. Туһанан хаалыаххайыҥ. --HalanTul 00:50, 7 Ыам ыйын 2010 (UTC)

"Ситим" медиа бөлөх баҕа санаата[куодун уларытыы]

Бэҕэһээ "Кыым" бас эрэдээктэрэ Уйбаан Уйбаанабыс Гаврильев ыҥырыытынан "Ситим" медиа бөлөх Саҥа дьылы көрсөр бырааһынньыгар ыалдьыттаатым. Бырааһынньык тухары хаста да Бикипиэдьийэ туһунан кэпсэтиилэр таҕыстылар. Хотуннара Мария Христофорова бэйэтин эҕэрдэтигэр кытта биһиги туспутунан эттэ. Чувааштары ыстатыйа ахсаанынан ситэргэ диэн алҕаата. Саха НКИК тэлэбиидэнньэтин дириэктэрэ Чокуур Гаврильев ханнык эрэ бырагырааммаҕа ыалдьыттата ыҥырар туһунан толкуйдуох буолла, баҕар, "Харах далыгар" ток-шоуга туспа биэрии да бэлэмниир кыах баар буолуон сөбүн эттэ. НКИК реклаамаҕа дириэктэрэ Руслан Баишев эмиэ тугунан эмит өйүөххэ сөп диэтэ, ролик ыытыахха сөп диир. "Бичик" тойотторо Август Егоров уонна Валерий Луковцев эмиэ өйүөх буоллулар. Маны мүччү туппакка, хайдах бу чулуу дьону бырайыакпыт сайдарыгар туһанар туһунан сыта-тура толкуйдуоххайыҥ эрэ, доҕоттоор!

"Ситимҥэ" маннык таһаарыылар киирэллэр: "Кыым", "Спорт Якутии", "Молодежь Якутии" хаһыаттар, "Күрүлгэн" уус-уран литератуура уонна публицистика альманааҕа, "Хатан" сурунаал, Yakutia-24 сонуннар интернет-портааллара. --HalanTul 02:39, 25 Ахсынньы 2009 (UTC)

Звезды Татнета[куодун уларытыы]

Айнур Сибгатуллин "Саха Бикипиэдьийэ сонуннарыгар" суруйбутунан Татаар Биикитэ "Звезды Татнета" куонкурус 2010 сыллааҕы лауреаата буолбут. Сиһилии манна көрүөххэ сөп: http://avtor.ykt.ru/user.aspx?uid=7781 --91.185.242.52 02:23, 23 Ахсынньы 2009 (UTC)

Виджет туһунан[куодун уларытыы]

Тэхиниичэскэй дьаһабылбыт Михаил Кыраһа Бикипиэдьийэбит виджетын яндекска оҥорбут уонна "Дьокуускай" диэн региональнай программаҕа сайаапка биэрбит. Быраабыла быһыытынан ол испииһэккэ киирэригэр виджет хайыы-үйэ сорох дьоҥҥо яндекс-сирэйдэригэр турар буолуохтаах үһү. Манна киирэн 11314 "оставить" диэни баттаа эрэ. Бикипиэдьийэбитин киэҥ араҥаҕа таһаарарга көмөлөс. --HalanTul 01:30, 25 Сэтинньи 2009 (UTC)

Тас сахалар[куодун уларытыы]

Бикипиэдьийэ аатыттан Национальнай бибилитиэкэни кытта биир сэргэх тиэмэни таарыйан эрэбит. Өйүүн, ол аата пятницаҕа 13 чыыһылаҕа ;-) бибилитиэкэ актовай саалатыгар көрсүһүү ыытабыт. Таймыырга бара сылдьыбыт саха геолога долгааннар хайдах олороллорун кэпсиэ, устубут роликтарын, хаартыскаларын көрдөрүө. Уонна Хабааровскай кыраайтан кэлэ сылдьар саха уола оннооҕу сахалар олохторун-дьаһахтарын туһунан кэпсиэ. Суруйааччы Харысхал кэлэн аан тыл этиэх буолла, кэлэн кыттыҥ. --HalanTul 10:03, 11 Сэтинньи 2009 (UTC)

Көрсүһүүбүт этэҥҥэ ааста. Манна кылгастык кэпсээтим: http://avtor.ykt.ru/viewcomment.aspx?uid=7781&mid=366527&c=1289 --HalanTul 02:48, 14 Сэтинньи 2009 (UTC)
Тас сахаларга аналлаах портаал үлэтин саҕалаата. Билигин ситэтэ суох. Бырайыакпыт бастакы портаалын киирэн тупсарыҥ, дьоһун таһымҥа таһаарарга көмөлөһүҥ. --HalanTul 11:37, 23 Сэтинньи 2009 (UTC)

"Пропеллер" кэлэ сырытта[куодун уларытыы]

Дьэ доҕоттоор, "Пропеллер" диэн биэриини көрбүккүт дуо? Ол дьон кэлэн интервью устан бардылар. Оҕолорго, улахан кылаас оҕолоругар, устудьуоннарга аналлаах СТС ханаалга тахсар биэрии. Аныгы нэдиэлэ кэнниттэр кэлэр нэдиэлэҕэ тахсар үһү. Понедельникка, 16.30 уонна 21.00 Нууччалыы. Корреспондент уол сахалыы билбэт эрээри вики-технологияны быһаарсар эбит, ханнык эрэ биики-бырайыакка кыттабын диэтэ. --HalanTul 09:48, 11 Сэтинньи 2009 (UTC)

Программабыт тахсыбыт үһү. 17.30. Киэһээҥи хатылааһын хомойуох иһин буолбат диэтилэр ;-( Ол гынан баран ролигын иниэккэ ханнык эрэ хостиҥҥа бу субуота эргин угуох буоллулар. Сигэтин ыыттахтарына манна ууруом. --HalanTul 11:32, 23 Сэтинньи 2009 (UTC)

Ооо! Жерар М биһиги туһунан суруйбут![куодун уларытыы]

Дьэ доҕоттоор, үлэбитин дьон көрөллөр эбит диэн үөрүөххэйиҥ ;-) Бикипиэдьийэҕэ элбэхтик үлэлэһэр киһи GerardM (Жерар Мейссер) диэн киһини билэрэ буолуо. Кини соторутааҕыта бэйэтин блогар биһиги туспутунан суруйбут эбит. Ону нуучча биикитин кыттааччыта Александр Сигачев көрөн сигэтин миэхэ ыытта: Growing magnificently. Ол аата "Балысхан үүнүү" диэбит курдук. Сурук кылгас ис хоһооно: Бу дьон бырайыактарын сүрдээҕин үүннэрэн эрэллэр. Ону хайдах ситистилэр, туох мэҥэ уулаахтарый? Бу улаатыылара чэгиэн-чэбдик (сымыйа буолбатах) буоллаҕына бу уопуту атын аан дойду биикилэригэр туһаныахха.

Дьэ хайдаҕый, доҕоттоор? Өссө кимэн киирэн иһиэххэ! Үчүгэй, толору ыстатыйалары суруйуохха, дьоҥҥо кэпсиэххэ, бэйэлэрин эйгэлэригэр кыахтаах/билиилээх дьону кытыннарыахха! --HalanTul 21:40, 9 Сэтинньи 2009 (UTC)

Манна: http://avtor.ykt.ru/viewcomment.aspx?uid=7781&mid=365692 тылбаастаатым.--HalanTul 01:17, 10 Сэтинньи 2009 (UTC)
Бэрккэ суруйбут. --TumatUola 01:36, 10 Сэтинньи 2009 (UTC)

Вечеркаҕа интервью[куодун уларытыы]

Ким эмит "Вечерка" корреспонденыгар интервью биэрэр кыахтаах дуо? Миэхэ суруйуҥ. Сарсын эбэтэр понедельникка. --HalanTul 06:49, 16 Алтынньы 2009 (UTC)

Мин сарсын онно тиийиэм. --94.245.185.35 10:53, 16 Алтынньы 2009 (UTC)
Дьэ тахсыбыт. TumatUola биһикки биэрбит интервьюбут. Аҕыйах сыыһалаах да буоллар, бэркэ суруллубут дии санаатыбыт (TumatUola кыттааччыны кытта кэпсэтэн баран этэбин). Биир бэйэм наһаа арбаныы, чорбойуу курдук буолбут да буоллар, бырайыакка сүнньүнэн туһалаах буолуо дии санаатым. Суруйбут киһиэхэ Рахлеев Фёдорга улахан махтал. Нуучча хаһыатыгар үлэлии сылдьар саха уола бэркэ тутунна-хабынна, дьиҥ сахатын омугун туһугар туруулаһар киһи эбит. Өссө баҕар бырайыакка ыстатыйа суруйан кыттыа диэн эрэл кыыма баар. Холобур, миигин сахалыы үүнээйилэр ааттарын билэринэн сөхтөрдө. Уруккуттан да нуучча уонна ааҥыл биикилэрин ыстатыйаларын туһанар эбит - холобур спорт туһунан суруйарыгар. --HalanTul 08:07, 23 Алтынньы 2009 (UTC)

Пресс-релиз бэчээттэннэ![куодун уларытыы]

5000 ыстатыйабытыгар аналлаах пресс-релиз Курсорга бэчээттэннэ! [2] Ол үрдүнэн өссө Курсор сүрүн сирэйигэр сигэ оҥоһулунна.

  • Өссө биир суругу туттум: Николай, добрый день! Вашу новость разместили www.ifapcom.ru, поздравляем с юбилеем. Даешь 50-тысячную статью в Саха Википедии! С наилучшими пожеланиями, Татьяна Мурована, Ответственный секретарь Российского комитета Программы ЮНЕСКО "Информация для всех". --HalanTul 07:48, 13 Алтынньы 2009 (UTC)
  • Биир Ньурбаттан сылдьар табаарыһым саайтыгар пресс-релизка сигэммит уонна эҕэрдэлээбит: Поздравляем Саха Википедию с юбилеем! --HalanTul 22:32, 13 Алтынньы 2009 (UTC)
  • СахаЛайф бэчээттээбит: В Саха Википедии вышла 5-тысячная статья! --HalanTul 20:56, 14 Алтынньы 2009 (UTC)
  • Кыым 3-с сирэйигэр сонун быһыытынан тахсыбыт. Бэркэ тылбаастаабыттар. "Якутия-24" портаал эмиэ саайтыгар бэчээттээбит. --HalanTul 06:53, 15 Алтынньы 2009 (UTC)
  • Вечеркаҕа бүтэһик сирэйигэр "Якутской википедии исполнилось... пять тыщ!" диэн сонун тахсыбыт))). --91.185.242.52 06:41, 16 Алтынньы 2009 (UTC)

5000 буолла![куодун уларытыы]

Барыгытыгар эҕэрдэ! Манна киирэн пресс-релииһи көрүҥ эрэ: Бикипиэдьийэ:Пресс-релиз/5000 нууччалыы. Сарсын хаһыаттарга, араадьыйаларга, интернет-портаалларга ыыталыахпыт. Көннөрүҥ, эбиҥ, санааҕытын этиҥ. Сахалыы барылын суруйарга ким эмит холонуо дуо? --HalanTul 00:25, 11 Алтынньы 2009 (UTC)

Куонкуруска кыттыы[куодун уларытыы]

Бэҕэһээ Сахателеком ыытар куонкуруһугар сайаапка ыыттым. Үс биһиэхэ сыһыаннаах бырайыагы: Бикипиэдьийэ сахалыы салаатын, Бикитиэкэни уонна "Саха Бикипиэдьийэ сонуннара" сурутууну. Хоруй кэлэ илик (аналлаах элэктроннай фуорманы толорбутум). Ый бүтүүтүгэр Интэриниэт күнүгэр түмүктэниэхтээх, санааҕытын уура сылдьыҥ))) --HalanTul 03:46, 13 Балаҕан ыйын 2009 (UTC)

Кыайбатыбыт эрээри, бырайыакпыт түмүк сонуннарыгар ааттаммыт. --HalanTul 00:26, 11 Алтынньы 2009 (UTC)

Болот Бочкарев[куодун уларытыы]

Бу ыстатыйаны ааҕыҥ эрэ: Пропагандист Болот Бочкарев. Биһиги төрөөбүт саргылаах-сайдыылаах Сахабыт сирэ омук дьоно көрөллөрүгэр туох эрэ биллибэт түҥкэтэх сир!!! Ааҥыл биикитигэр дойдубут туһунан суруйуохха, омук тыллары билэр дьонтон ыстатыйата суруйалларыгар көрдөһүөххэ! --HalanTul 01:24, 20 Атырдьах ыйын 2009 (UTC)

Махтал! --TumatUola 01:33, 20 Атырдьах ыйын 2009 (UTC)

Куоластааһын түмүктэннэ[куодун уларытыы]

Кыайыылаахтар:

  1. Тин Чэнь - 41 саастаах Германияҕа олорор кытай, ниэмэс, ааҥыл биикилэрин кыттааччыта. Былырыын эмиэ талыллан үлэлээбитэ.
Кини программата: Я был избран в совет в прошлом году. За последний год я активно работал над несколькими воспросами, рассмотренными советом, включая резолюцию по BPL и изменение лицензионной политики. Я состою в Комитете по номинациям и один из представителей совета в Комитете разделов. Прошлой осенью я вместе с Джимми Уэлсом посетил Пекин (Китай), чтобы разъяснить задачи фонда Викимедиа китайским официальным лицам и убедить их не блокировать проекты фонда после Олимпийских игр. Я считаю своим долгом держать сообщество в курсе, чем занимаются совет и фонд, о чём думают и что планируют, а затем передавать мнение сообщества. Несмотря на свою профессиональную деятельность, работу в совете и другие занятия в жизни, я всегда держал слово оставаться частью сообщества, принимать участие в обсуждениях различных вопросов, в том числе и весьма спорных. Я продолжал вносить вклад в развитие Википедии: с момента избрания я создал множество новых статей в zh-wp или улучшил их с заготовок до нормальных статей. Я продолжал администрировать Вики, удаляя copyvio и отвечая на SUL-запросы. Я хотел бы продолжать свою работу следующие два года, и как участник сообщества, и как член Совета поверенных.
  1. Сэмюэл Клейн - 31 саастаах "Лэптоп - хас биирдии оҕоҕо" диэн бырайыак үлэһитэ (АХШ, Кембридж).
Wikimedia должна стать примером для открытых и гибко расширяемых организаций. Став членом Совета, я буду сильным голосом сообщества, регулярно сообщая о работе Совета, проводя открытые встречи и поощряя общественное участие. Я поддерживаю повышение уровня экспертных знаний внутри сообщества.
Я также буду:
  • бороться за улучшение поддержки переводов и многоязыковой коммуникации в Викимедии, особенно что касается обсуждений в сфере планирования
  • представлять технические и практические нужды малых проектов
  • поощрять бережное отношение к финансовым средствам и репутации, планируя долгосрочную жизнедеятельность проектов (с пожертвованиями и основными услугами)
  • поощрять делегирование работы по популяризации проектов и развитию сообщества региональным подразделениям.
  1. Кэт Уолш - 26 саастаах көҥүл, аһаҕас софтка специалист дьахтар (АХШ).
I have been a WMF board member since October '06. I will finish my JD this year at George Mason, focusing on copyright, patent, trademark, policy, and economics, and have been an editor of the Journal of Law, Economics, and Policy. I am also a registered patent agent and a classical musician.

Сиһилии манна көр: http://meta.wikimedia.org/wiki/Board_elections/2009/Results/ru --HalanTul 22:45, 12 Атырдьах ыйын 2009 (UTC)

Бикимиэдьийэ пуондатын Повереннайдарын Сүбэтигэр быыбар[куодун уларытыы]

Куоластааһын бара турар. Хайдах куоластыахха сөбүй:

Куоластыыр бырааптаах буоллаххына:

  1. Хандьыдааттар тустарынан ааҕыҥ уонна кими өйүүргүн быһаар.
  2. Куоластыыр бырааптаах салааҕытыгар (холобур сахалыы бикипиэдьийэттэн) «Special:Securepoll» диэн сирэйи бул. Холобур, саамай элбэх көннөрүүнү сахалыы бикипиэдьийэҕэ оҥорбут буоллаххына манна киир: sah.wikipedia.org/wiki/Special:Securepoll.
  3. Онно баар ыйыылары-кэрдиилэри тутус.

Хайдах бикипиэдьийэҕэ уларытыы киллэрэри көрдөрөр ролигы Валентин Егоров диэн саха уолугар оҥортордум.[куодун уларытыы]

Ыстатыйаны хайдах уларытары көрдөрүү

Маннык тиэкистээх туспа сирэй оҥороору гынабын:

Ханнык баҕарар киһи Бикипиэдьийэ ыстатыйатын уларытыан - эбиэн, көннөрүөн уонна тупсарыан сөп.

  • Уларытыаххын баҕарар ыстатыйаҕын арый.
  • Сирэй үөһээ өттүгэр "уларыт" диэн кыбытыгы (вкладканы) эбэтэр ыстатыйа сорҕотун эрэ уларытыаххын баҕарар буоллаххына салаа аатын аттыгар баар "уларыт" сигэни баттаа.
  • Билигин тиэкиһи уларытыаххын сөп. Баҕар хас да эн билбэт бэлиэлэриҥ көстүөхтэрэ. Кинилэр ыстатыйа тас көрүҥүн тупсараллар уонна ыстатыйалар ыккардыларыгар ситимнэри хааччыйаллар. Ол туһунан туспа кэпсэниэ.
  • "Уларытыыҥ ис хоһооно" диэн устуруокаҕа кылгастык тугу эппиккин суруйаҕын, холобур "сыыһаны көннөрдүм", "күнүн-ыйын уларыттым" диигин. Ол атын дьон тугу уларыппыккын дэбигис билэллэригэр наадалаах. Тиэкиһи эппит буоллаххына ону хантан ылан эппиккин суруйуоххун сөп.
  • "Уларытыах иннинэ көрүү" диэн тимэҕи баттаатаххына уларыппытынҥ хайдах көстүөхтээҕэ ырылыччы көстүө.
  • Барыта сөп буоллаҕына дьэ "Уларытыыны бигэргэтии" тимэҕи баттаан бэйэҥ уларытыыгын бүтэһиктээхтик киллэрэҕин.

--HalanTul 08:08, 13 Муус устар 2009 (UTC)

Оҥордум: Көмө:1-кы уруок. --HalanTul 22:32, 21 Муус устар 2009 (UTC)

Сарсын тэлэбиидэнньэлэр устар буоллулар[куодун уларытыы]

Бүгүн НВК "Саха" үлэһитэ эрийэ сырытта, тылы чинчийэр институуттар этиилэринэн эйигиттэн интервью курдук ылаары гынабыт диир. Саха тыла интэриниэккэ диэн тиэмэҕэ. Онон сотору "Саҥа күн" биэриигэ көстөрүм дуу))). Чэ, сатаннаҕына өссө эбии суруйуом, хаһан тахсарын этиэм. --HalanTul 08:26, 11 Олунньу 2009 (UTC)

Кэлэ сырыттылар. Сарсын субуотаҕа (олунньу 14) киэһэ сэттэ аҥаар чааска көстөр үһү. "Саха сирэ күнтэн-күн" диэн биэриигэ. Бэрт Дьикти эмиэ көстүөхтээх. --HalanTul 02:12, 13 Олунньу 2009 (UTC)

Хатан[куодун уларытыы]

"Хатан" диэн эдэр ыччакка аналлаах Дьокуускайга тахсар 3 тыһыынча экзэмплээрдээх сурунаалга Бикипиэдьийэ туһунан кылгас ыстатыйа таҕыста. Эрэдээктэр Бүөккэ Уйбаныап өҥөтүнэн. Бу сурунаал саҥа үөдүйэн эрэр. 3-с нүөмэрэ. --HalanTul 20:34, 30 Алтынньы 2008 (UTC)

Туурок бикипиэдьийэтэ[куодун уларытыы]

Син элбэх саха ыччата Туурцуйаҕа үөрэннэ. Туурактар биикилэригэр саха тылын туһунан, саха сирин, саха дьонун туһунан ыстатыйалыр суруйбут киһи. Бүгүн туурок тылынан тахсар салааҕа саха тылын билии туһунан халыып оҥордум tr:Kategori:User_sah, уонна сахалыы билэр туурок биикитигэр киирбит дьоҥҥо ыҥырыы суруйдум: Саха тыла. --HalanTul 00:28, 28 Ахсынньы 2008 (UTC)


Гааджеттар[куодун уларытыы]

Туруорууларга гааджеттары туһанар кыах баар буолла. Холобур, сиэртибэлээһин туһунан бааннеры суох оҥоруохха уонна сирэй муннугар аан дойду бириэмэтин көрдөрөр, кээһи ыраастыыр чаһыы туруоруохха сөп. --HalanTul 23:31, 3 Тохсунньу 2009 (UTC)