Ашрапова Лидия Леонтьевна
| Ашрапова Лидия Леонтьевна | |
| Пол или гендер | женский пол |
|---|---|
| Гражданство | Сэбиэт Социалист Республикалар Холбоhуга |
| Личное имя | Лидия |
| Төрөөбүт күнэ | 26 Атырдьах ыйын 1935 |
| Төрөөбүт сирэ | Саха Сирэ |
| Дата смерти | 21 Муус устар 2023 |
| Дьарыга | артыыс |
Ашрапова Лидия Леонтьевна, төрөөбүт араспаанньата Неустроева (1935-2023) — Сэбиэскэй Сойуус уонна Казахскай ССР артыыската, Казахскай ССР заслуженнай артыыската, Арассыыйа киноактердарын гильдиятын чилиэнэ.
1935 сыллаахха атырдьах ыйын 28 күнүгэр Амма нэһилиэгэр төрөөбүтэ. Ташкеннааҕы хореографическай училищены бүтэрбитэ.
1952–1954 сылларга Алма-Ата куоракка филармонияҕа үлэлиир, ол кэннэ Казахстан ырыатын-үҥкүүтүн ансаамбылыгар солискалыыр, «Казахфильм» киностудиятын сүрүн артыыската буолар.
Фрунзенскай оройуон 101 уокуругун дьокутаатынан, Казахскай ССР кинематографистарын Союһун олох-дьаһах хамыыһыйатыгар бэрэсдээтэл солбуйааччытынан, Казахстан кинематографист дьахталларын ассоциациятын бэрэсэдээтэлинэн, «Эдельвейс» киностудия бырабылыанньатын бэрэсэдээтэлинэн үлэлээбитэ. СССР кинематографистарын сийиэстэригэр хаста да делегат буолбута.
Кэргэнэ – Казахстаҥҥа биллэр режиссер Асхат Ашрапов. 1990 с. иккиэн Подмосковьеҕа көһөллөр. «Альянс» кинокомпанияны тэрийэн, художественнай салайааччы буолар. Кэнники Крымҥа көһөллөр, кэргэнэ ыарытыйарын буолар.
Лидия 2023 сыл муус устар ыйын 21 күнүгэр суох буолбута. Соҕотох уоллара Тимур Ашрапов Алматы куоракка олорор, телевидениеҕа оператордыыр.
Киинэҕэ оруоллара:
[уларыт | биики-тиэкиһи уларытыы]1955 с. — «Девушка-джигит» — Галия Эрденова;
1955 с. — «Мать и сын» — Сауле;
1956 с. — «Мы здесь живём» — Халида Торгунова;
1957 с.— «Наш милый доктор» — артыыска;
1957 с. — «Рыбаки Арала» — Сенем;
1959 с. — «Возвращение на землю» — Сабира;
1960 с. — «В одном районе» — Майра Баянова;
1961 с. — «Если бы каждый из нас» — Маржан Серкебаева;
1963 с. — «И в шутку, и всерьёз» — Раушан;
1967 с. — «Звучи, там-там!» — Армен ийэтэ;
1968 с. — «Ангел в тюбетейке» — ыалдьыт;
1970 с. — «Конец атамана» — Сабира;
1971 с. — «Кыз Жибек» — Майра Баянова;
1975 с. — «Храни свою звезду» — Айша;
1978 с. — «Кровь и пот» — Кудайменде кэргэнэ;
1979 с. — «Серебряный рог Ала-Тау» — Мергенбай кэргэнэ;
1979 с. — «Погоня в степи» — эпизод;
1981 с. — «Три дня праздника» — пассажирка;
1986 с. — «На перевале» — Аманбай кэргэнэ.