Андреев Афанасий Дмитриевич (1922-2014)

Андреев Афанасий Дмитриевич (01.07.1922-14.02.2014) — Иккис аан дойду сэриитин кыттыылааҕа, кини аатынан Дьокуускай куорат уокуругун Владимировка сэлиэнньэтигэр куоллаҕас ааттаммыта.

1922 сыллаахха от ыйын 1 күнүгэр Хатас нэһилиэгин Хамыйахтаах учаастагар ыал бастакы оҕоутнан төрөөбүтэ. 4 кылаас үөрэхтээх. 16 сааһыттан "Кыһыл Сардаҥа" холкуоска үлэлээбитэ. 1942 с. бэс ыйын 25 күнүгэр аармыйаҕа ыҥырыллыбыта, үс ый Челябинскай аттыгар бэлэми ааһан баран 26-с гвардейскай мотострелковай полка састаабыгар Ржев кыргыһыыларыгар кыттыыны ылбыта. 1942 сыл күһүнүгэр бааһыран Калинин куоракка баар эвакогоспитальга эмтэммитэ, 1943 с. демобилизацияламмыта. 1944 с. Анастасия Филипповна Кривошапкиналыын ыал буолбута. Сэттэ оҕону улаатыннарбыттара. Афанасий Дмитриевич бастаан холкуоска онтон сопхуоска 50 сыл үлэлээбитэ.

2014 сыллаахха олунньу 14 күнүгэр өлбүтэ.

Наҕараадалара

Аҕа дойду сэриитин II истиэпэннээх уордана Г. К. Жуков мэтээлэ "1941-1945 сс. Аҕа дойду сэриитигэр Германияны кыайыы иһин" мэтээл Үбүлүөй мэтээллэрэ "Килбиэннээх үлэтин иһин. В.И. Ленин төрөөбүтэ 100 сылыгар" мэтээл (1970) Үлэ бэтэрээнэ (1980)

"Саха АССР бастыҥ бостууга" сыбаанньа (1965) Хомуньуустуу үлэ удаарынньыга (1968, 1970)

Аатын үйэтитии

Дьокуускай Дууматын 2015 с. балаҕан ыйын 9 күнүнээҕии быһаарыытынан Владимировка сэлиэнньэҕэ куоллаҕас кини аатынан ааттамыта.

"Аҕабыт туһунан иһирэх тыл" диэн кинигэни Наталья Афанасьевна Слепцова хомуйан 2015 с. таһаарбыта.