Өктөөбүр нэһилиэгэ (Ньурба улууһа)

Октябрь нэһилиэк Ньурба улууһун каартатыгар

Октябрь нэһилиэк. Ньурба улууһун нэһилиэгэ, киинэ Антоновка. Урут Александровка диэн ааттаах этэ.

Улуус кииниттэн 2 км. илин диэкки турар. Ньурба куораты кытта холбоһон турар.

Нэһилиэнньэтин ахсаана 2 770 киһи (2010 сыл), ол иһигэр Антоновка — 2 642, Нефтебаза — 128 киһи.

Нэһилиэк биллиилээх дьоно

• Чусовской Николай Николаевич (10.05.1910—26.07.1977) — Сэбиэскэй Сойуус Дьоруойа.
• 1899 сыллаахха төрөөбүтэ Габышев Александр Гаврилович, 1934—1938 сыллардаахха Саха АССР Үрдүкү Сэбиэтин Президиумын бэрэссэдээтэлэ.
• 1907 сыл балаҕан ыйын 27 күнүгэр төрөөбүтэ Канаев Никита Петрович (27.09.1907—23.10.1987) — филология билимин кандидата.
• 1915 сыл балаҕан ыйын 6 күнүгэр төрөөбүтэ Чусовской Александр Николаевич, үтүөлээх учуутал.
• 1917 сыл алтынньы 15 күнүгэр төрөөбүтэ Донской Геннадий Семенович (15.10.1917—1996 ), Саха АССР үтүөлээх учуутала.
• 1919 сыл ахсынньы 27 күнүгэр төрөөбүтэ Антонов Николай Климович (27.12.1919—04.01.2002) — филологическай билим доктора, биллиилээх тюрколог, профессор,
• 1980 сыл кулун тутар 6 күнүгэр төрөөбүтэ Балакшин Георгий Русланович диэн чэпчэки ыйааһыҥҥа боксёр. Эуропа 2002, 2004 уонна 2006 сс. чөмпүйүөнэ, элбэх төгүллээх Арассыыйа чөмпүйүөнэ (2000—2003, 2006, 2007 сс.), 2004 уонна 2008 сылларга Олимпиадаларга Арассыыйа сүүмэрдэммит хамаандаларын чилиэнэ. 2008 сыллаахха Пекин куоракка буолбут Олимпийскай оонньууларыгар Боруонса мэтээл хаһаайына.

Бэлиэ сирдэр

• Сэбиэскэй былааһы иһин охсуспуттарга пааматынньык. 1966 сылаахха тутуллубута. Железобетон. Автор Уткин К. Д.
• Антоновка орто оскуолатын саҥа дьиэтэ 2002 сыллаахха улэҕэ киирбитэ, манна оскуола ситим-сирэ баар http://antonovkaschool.3dn.ru/

Ылыллыбыт сирэ

Энциклопедия Якутии, М., 2000 г.