Харлампьева Наталья Ивановна

Харлампьева Наталья Ивановна

Наталья Ивановна Харлампьева - саха норуотун суруйааччыта, Саха сирин суруйааччыларын сойууһун бэрэссэдээтэлэ, Саха комсомуолун бириэмийэтин лауреата. Билигин "Саха сирэ" хаһыат сүрүн эрэдээктэрэ.

1952 сыллаахха балаҕан ыйын 1 күнүгэр Маҕан сэлиэнньэтигэр төрөөбүт. Саха государственнай университетын историко-филологическай факультетын кэтэхтэн үөрэнэн бүтэрбит. 1988 с. ССРС суруйааччыларын сойууһун чилиэнэ.

Үлэтин Маҥан авиапордугар таһаҕаһы таһыы сулууспатыттан саҕалаабыта. "Северная трасса" хаһыакка, ССКП обкомар бэчээт секторын инструкторынан, Кэбээйигэ райком сэкирэтээринэн, "Кыым" хаһыакка культура отделын сэбиэдиссэйинэн, Саха сиринээҕи кинигэ издательствотын кылаабынай редакторынан, "Саха сирэ" хаһыат кылаабынай редакторын бастакы солбуйааччынан, "Далбар Хотун" сурунаал кылаабынай редакторынан үлэлээбитэ. Билигин "Саха сирэ" хаһыат кылаабынай редактора уонна Саха сирин суруйааччыларын союhyн бырабылыанньатын бэрэссэдээтэлэ.

1975 с. бэчээттэнэр. Бастакы кинигэтэ "Аэро­план" 1976 с. бэчээттэммитэ. Уонча поэтическай, биир кэпсээн уонна эссе кинигэлэр ааптара. Кини интимнэй уонна гражданскай лиирикэҕэ күүстээх. Саха поэзиятыгар кыра поэмалары биэрбитэ. Сорох xohooннopo ырыа буолан ылланаллар.

Айар улэтин ситиһиитинэн 2003 с. тахсыбыт икки туомнаах талыллыбыт айымньылара буолаллар.

Н.И. Харлампьева Саха комсомолун уонна Казахстан "Алаш" литературнай, Россия "Улахан литературнай", А.Т. Твардовскай аатынан бириэмийэлэрин лауреата. Хоһоонноро нууччалыы, казахтыы, татардыы, украинскайдыы тылбаастаммыттара.

Библиография

1. Аэроплан. Хоhооннор. - Якутскай, 1976;
2. Ночной полет. Стихи. / Пер. Я.Козловского. - M.,1980;
3. Дьол сибикитэ. Хоhооннор. - Якутскай, 1981;
4. Кыһыл ньургуhун. Хоhооннор, поэмалар. - Якутскай, 1986;
5. Красный подснежник. Стихи, поэмы. - М., 1988;
6. Дьэҥкир киэhэ. Хоhооннор, поэмалар. - Якутскай, 1990;
7. Атырдьах ыйа. Хоhооннор. - Якутскай, 1994.

Сигэлэр

• Высокий полёт
• Писатели земли Олонхо
• SakhaNews