Бикипиэдьийэ:Төрүккэ сигэнии

Бикипиэдьийэ ыстатыйалара источниктарга сигэниэхтээхтэр. Ол аата ыстатыйаҕа суруллубут чахчы бу сиртэн ылылынна диэн чуолкай сурук баар буолуохтаах. Ол источник итэҕэтиилээх буолуохтаах. Ол аата ким эрэ эппитэ диэҥҥэ олоҕуруо суохтаах. Холобур, кинигэҕэ сигэнэр буоллаххына, ол кинигэ ааптара, ханна хаһан тахсыбыта ыйыллыахтаах, оттон ситим-сиргэ (саайка) сигэнэр буоллаххына, ол ситим-сир чопчу сирэйин чуолкай аадырыһа суруллуохтаах.

Итэҕэтиилээх источнига суох ханнык баҕарар матырыйаал сотуллуон сөп. Бу көрдөбүлү цитаатаны туттарга, мөккүөрдээх түгэннэргэ уонна киһи бэйэтин сыанаатын быһыытыгар (холобур "уһулуччу үчүгэй", "бастыҥ", "бастакы", "соҕотох" диэннэргэ) ордук кичэйэн туттуллуохтаах.

Өссө көр: Бикипиэдьийэ:Тургутуу

Хайдах сигэнэри билбэт буоллаххына хайдах сатыыргынан оҥор, атын кыттааччылар көннөрөн биэриэхтэрэ. Сигэнии холобурун атын ыстатыйаларга көрүөххүн сөп.