Попов Фёдор Кузьмич: Барыллар ыккардыларынааҕы ураты

Бикипиэдьийэ диэн сиртэн ылыллыбыт
Ис хоһооно сотторолунна Ис хоһооно эбилиннэ
Көннөрүү туһунан суруллубатах
Көннөрүү туһунан суруллубатах
18 устуруока: 18 устуруока:
[[Категория:Дьоннор алпабыытынан]]
[[Категория:Дьоннор алпабыытынан]]
[[Категория:1921 сыллаахха төрөөбүттэр]]
[[Категория:1921 сыллаахха төрөөбүттэр]]
[[Категория:1943 сыллаахха өлбүттэр]]
[[Категория:Саха сириттэн сылдьар Сэбиэскэй Сойуус уонна Арассыыйа Дьоруойдара]]
[[Категория:Саха сириттэн сылдьар Сэбиэскэй Сойуус уонна Арассыыйа Дьоруойдара]]

22:03, 1 Бэс ыйын 2010 барыл

Попов Фёдор Кузьмич

Попов Фёдор Кузьмич (19211943) — сахалартан бастакы Сэбиэскэй Сойуус Дьоруойа, Аҕа дойду улуу сэриитин кыттыылааҕа.

1921 сыл ахсынньы 8 күнүгэр Мэҥэ-Хаҥалас улууһун Баатара (Сымах) нэһилиэгэр төрөөбүтэ. Аҕата Кузьма Самсонович уонна ийэтэ Прасковья Константиновна колхуоска 1930 с. киирбиттэрэ. Нэһилиэгэр бастакы сүһүөх оскуола биэс кылааһын бүтэрбитэ, салгыы үөрэниэн төрөппүттэрэ ыалдьан тохтообута. 1937 сыллаахха эдэр колхуостаах биир кыһын иһигэр 20 киһини ааҕараг-суруйарга үөрэппитэ. Сэрии саҕаланыар диэри "Октябрь" колхуоска хонуу биригэдьииринэн үлэлээбитэ.

1941-42 сыллар кыһын аармыйаҕа барар саастаах уолаттар военкомаат иһинэн тэриллибит куруһуокка нуучча кэпсэтэр тылын үөрэппиттэрэ. Аармыйаҕа 1942 с. бэс ыйыгар Мэҥэ-Хаҥалас оройоуннааҕы военкомаатынан ыҥырыллан барбыта. Хонуу биригээдэтин салайааччытынан кини быраата Петр хаалбыта.

Пермь куорат аттыгар кылгас кэмнээх автоматчиктар куурустарын үөрэнэн бүтэрбитэ. Сэриилэһэр аармыйаҕа тиийэн 61-с аармыйа 81-с стрелковай дивизиятын 467-с стрелковай полкатын 1-кы батальонун 3-с ротатын байыаһа буолбута.

1943 с. алтынньы 1 күнүгэр Глушец диэн дэриэбинэ аттыгар биир бастакыннан Днепр өрүһү туораан тахсар. Өстөөх траншеяларыгар бастакынан ыстанан тиийэн илиинэн охсуһуу кэмигэр пулеметтарын былдьыыр. Бу охсуһууга 23 ниэмэс саллаатын уонна эпписиэрин охторор. Уонунан ааҕыллар өстөөхтөр хос атаакаларын төттөрү охсор. Бэйэтин подразделениетын өрүһү туоруурун хааччыйар. Бу кэнниттэн уонча күн буолбут быыстала суох кыдыйсыыларга 70 ниэмэһи өлөрөр.

Бу сыолдьан ыараханнык бааһырар уонна 1943 сыл алтынньы 10 күнүгэр госпитальга өлөр. Белоруссия Гомель уобалаһын Лоев оройуонун Дерожичи дэриэбинэтигэр көмүллүбүтэ.

Сэбиэскэй Сойуус Дьоруойун аата 1944 с. тохсунньу 15 күнүгэр иҥэриллибитэ.