Алымов Тимофей Моисеевич

Алымов Тимофей Моисеевич — бэлиитикэ сыылынайа, өрөбөлүссүйэниэр, Сибииргэ Гражданскай сэрии дьоруойа.

Астрахань күбүөрүнэтин Царевскай уйуоһун Капустиноярскай солобуодатыгар 1888 сыл олунньу 19 (кулун тутар 3) күнүгэр бааһынай кэргэнигэр төрөөбүт. Сырдарья уобалаһын Перовскай куоратын училищетын бүтэрэн баран Ташкеҥҥа онтон Оренбуурга олорбут. 1908 сыллаахха дойдутугар Первскайга төннөн баран полиция кэтэбилигэр анархистар бөлөхтөрүн тэрийээччитин уонна салайааччытын быһыытынан түбэспит. Хаайыыга түбэспит, Ташкент хаайыытыгар сыппыт, 1910 сыллаахха Саха уобалаһыгар көскө ыытыллыбыт. Ново-Николаевскай сэлиэнньэҕэ (билигин Маҕан) олоро сылдьыбыт, онтон Байаҕантай улууһугар, көһөрүллүбүт, онтон Танда сэлиэнньэтигэр. 1912 с. аһара дьадайан хаалан бэйэтэ, көҥүлэ суох, Ново-Николаевскайга көһөргө күһэллибит. 1913 с. Романовтар 300 сылларынан ыраахтааҕы ыйааҕынан көскө олоруутун болдьоҕо кыччатыллыбыт, Иркутскай күбүөрүнэҕэ көһөргө көҥүллээбиттэр, биир сылынан Саха сириттэн барбыт. Иркутскайтан чугас Феодосьевскай бириискэҕэ учууталынан үлэлээбит.

1918 сыллаахха Бодойбоҕо Кыһыл гвардия этэрээтин хамандыыра. 1918 сыл атырдьах ыйын 18 күнүгэр билиэҥҥэ түбэһэн ытыллыбыт.

Аатын үйэтитии

Өлбүтэ биир сыл буолуутугар былаас уларыйан ытыллыбыт дьон өлүктэрин Киренскэй сэлиэнньэ киинигэр көһөрөн көмпүттэрэ, бэлиэ туруорбуттара.

Киренскэй бастакы бойонкуомун Николай Степанович Дмитриев этиитинэн 1920 сыллаахха Половинка диэн сэлиэнньэни Алымовка диэн ааттабытттара. 1929 с. Алымовкаҕа "Партизан Алымов" диэн холкуос тэриллибитэ.

Дьокуускай куорат уокуругар киирэр Маҕан сэлиэнньэтигэр кини аатынан уулусса баар.

Алымов туһунан

• Политическая ссылка и молодежь Якутска / К.Н. Атласова // За своетскую власть в Якутии. Часть 2 : воспоминания. - Якутск: Кн. изд-во, 1967. - С. 26
• Тимофей Алымов / А. А. Калашников, В. С. Познанский // Полярная звезда. - 1968. - №2. - С. 114-122