Бикипиэдьийэ:Марафон 8000

Бикипиэдьийэ диэн сиртэн ылыллыбыт
Марафон тохсунньу 1 күнүгэр 10 чаас сарсыарда ситиһиилээхтик түмүктэннэ! Кыттыбыттарга махтал!!! Салгыы үлэлээҥ, дьоҥҥо туһаны аҕалыҥ! Ийэ тылбытын өйөөҥ!

Күндү кыттааччылар, кэлэн иһэр Саргылаах Саҥа дьылынан![биики-тиэкиһи уларытыы]

Быйыл 2011 сылга салгыы сайынныбыт, бикитиэкэ арыйдыбыт, саҥа көхтөөх кыттаччылар киирдилэр. 2012 сылга өссө иннибит диэки дьүккүйэн иһиэхпит. Уруй!

Саҥа дьылы көрсө күрэс биллэрэбит. Толору аата "Биики Марафон 8000". Күрэс соруга - 2012 сыл буолуор дылы бикипиэдьийэҕэ 8000 ыстатыйаны суруйуу.

Саҥа Дьылга дылы хаалбыт аҕыйах хонукка саамай элбэх ыстатыйаны суруйбут үс кыттааччыга "Биики Марафон-8000 кыайыылааҕа" диэн бочуоттаах сыбаанньа иҥэриллэр уонна аналлаах виртуальнай бэлиэ (мэтээл) бэриллэр. Кыайыылаахтары үһүөннэрин сыаналаах бириис кэтэһэр.

  • Бастакы миэстэ — сканер!
  • Иккис миэстэ — биир ый интэриниэттээх мобильнай модем.
  • Үһүс миэстэ — USB-флэшка.
  • 8000 - Ону таһынан аҕыс сүүһүс ыстатыйаны суруйбут киһиэхэ эмиэ аналлаах бэлиэ уонна бэлэх бэриллэр.

Кыттааччылар — бүрэкирээттэн ураты ханнык баҕарар бэлиэтэммит кыттааччы кыттыан сөп. Билигин бэлиэтэн!

Хас биирдии кыттааччыга — Кыттыбытын иһин Диплом!!!

Ыстатыйаҕа ирдэбиллэр[биики-тиэкиһи уларытыы]

Биллэн турар бу икки хонук иһигэр соҕотох да үчүгэй ыстатыйаны суруйар күчүмэҕэй. Онон ыстатыйа хаачыстыбатын улаханнык көрө сатыахпыт суоҕа. Барыта сахалыы буолуохтаах. Ол эрэн саха буукубаларын кодировкатын эргэнэн суруйар, уонна нуучча буукубаларынан солбуйар (холобур Һ буукубаны Ь) көҥүллэнэр (марафон кэнниттэн көннөрүөххүт диэн эрэнэбит). Кээмэйэ 2000 баайт ыйааһынтан бөдөҥ буолуохтаах, икки ис сигэттэн итэҕэһэ суох сигэлээх буолуохтаах (суох ыстатыйаҕа сигэммит да буоллун). Источнига ыйыллыбыта булгуччу ирдэммэт, ол эрэн ыйа сатаарыҥ. Тиэмэтэ ханнык баҕарар.

Сүбэ: Ханнык тиэмэҕэ суруйары саарыыр буоллаххына маны көр: Бикипиэдьийэҕэ баар буолуохтаах ыстатыйалар тиһиктэрэ

Дьокуускай кэминэн ахсынньы 30 күнүн сарсыарда 10 чааһыттан 2012 сыл тохсунньу 1 күнүн сарсыарда 10 чааһыгар дылы суруллубут ыстатыйалар күрэскэ кытталлар. Кытаатыҥ!!!

Сүбэ: Урут ыстатыйа суруйбатах буоллаххына маны көр: Бастакы хардыылар, Ыстатыйаны ааттааһын уонна Кыттааччыларга сүбэлэр.

Саха бикипиэдьийэтин устуоруйатыгар маннык күрэс аан бастаан буолла. Уһуннук бэлэмнэммэтэҕин, тэрээһиҥҥэ элбэх үп-харчы барамматаҕын үрдүнэн Марафон 8000 Күрэс ситиһиилээхтик түмүктэннэ. Сиэрбэр кэминэн 8000-с ыстатыйа 2011 сыл ахсынньы 31 күнүгэр 23 чаас 53 мүнүүтэҕэ бэчээттэннэ. Үбүлүөйдээх ыстатыйа Дьылҕа Хаан оҥоһуутунан көҥүл саха олоҕун иһин саа-саадах тутан сэриилэспит, сырдык тыынын Гражданскай сэрии саҕана толук уурбут Мэҥэ-Хаҥалас киһитэ Мылаадьын (Скрябин Савва) туһунан буолла. Ыстатыйа ааптара - HalanTul.

Уопсайа марафон икки хонугар 109 саҥа ыстатыйа сурулунна (күрэс биллэриллэригэр 7898 ыстатыйа баар этэ), онон 24 (0) чааска 8007 ыстатыйа буолла. Саҥа Дьыл киэһэ бастакы ыстатыйатын бэлиэтэммэккэ (миэхэ почтабар бастаан ыыппыта, онтон бэйэтэ бэчээттээбит этэ), онтон өссө икки ыстатыйаны түүн 3-4 чаас саҕана (Дьокуускай кэминэн) бэлиэтэнэн баран суруйбут саҥа кыттааччыбытын Yurdel`и бэлиэтиэм этэ. Өссө бэлиэтиэхпин баҕарабын аата биллибэт 217.118.64.58 айпииттан хас да ыстатыйаны Саҥа Дьыл киэһэ суруйбут киһини (ааҕар буоллаҕына миэхэ суруйара буоллар). Уруй буоллун көхтөөх кыттааччыларга!

Марафон хаамыыта Ykt.ru портаал Ааптардар диэн бырайыагар, эмиэ ити портаал хас да кэпсэтэр түһүлгэтигэр уонна ya-online биир түһүлгэтигэр сырдатыллыбыта. Бу матырыйааллары ааҕыаххытын сөп: 1, 2 уонна 3. Ону таһынан Саха бикипиэдьийэтигэр сыһыаннаах икки сурутууга (рассылкаҕа) биллэриллибитэ (Сабскрайб.ру сурутуута, Бикимиэдьийэ сиэрбэрин сурутуута), уонна Викимедиа РУ тэрилтэ аналлаах сурутуутугар сонун курдук кэпсэммитэ.

Саҥа Дьыл кэннинээҕи икки хонукка куруук кыттар көхтөөх кыттааччылар ‎TumatUola‎, Sakha Sire, ‎Сур Бөрө ‎ уонна Egerman саҥа ыстатыйалары суруйдулар. Махтал!

Бикипиэдьийэһиттэр! Манна суруйбут ыстатыйаларгыт тупсан, ситэн, кэрэ мэҥэ таас курдук үйэлэр тухары дьоҥҥо туһалыы турдуннар!

Марафон тиһэх түмүгүн бу күннэргэ оҥоруом. UPD: Викимедиа РУ биһиги марафоммут түмүгүн уопсай Арассыыйа бикимиэдьийэһиттэрин сылы түмүктүүр тэрээһиннэригэр (Москуба, Ушинскай аатынан бибилитиэкэ) бэлиэтиир курдук толкуйданна. Онон түмүкпүтүн хаһан таһаарары эбии суруйуоҕум.

Бары үтүөнү, биики дьаһабыла --HalanTul 02:43, 1 Тохсунньу 2012 (UTC)[хоруй]