Өҥнөр тиһиктэрэ

Бикипиэдьийэ диэн сиртэн ылыллыбыт

Саха өҥү-дьүһүнү көрүүтэ арҕааҥҥы омуктартан таһы-быһа ураты, ол иһин сахалыы сатаан көрбөт буолан, бастакы чинчийээччилэр биһигини дьүһүнү мөлтөхтүк араараллар диэн түмүктээбиттэрэ. Саха өҥү көрүүтэ айылҕаны кытта быстыбат ситимнээх. Төрөөбүт Аар Айылҕатыттан силиһэ быстыбыт киһи ону хайаан өйдүөҕэй. Өбүгэлэрбит өҥү-дьүһүнү дьүһүннүүр да тыллара билиҥҥи киһиэхэ олоҥхо тылын курдук иһиллэр[1].


үрүҥ, үп-үрүҥ, үүт үрүҥ, маҥан (маҕан), кытта маҥан, кылбаа (кылбараҥ) маҥан, муус маҥан, мунаа маҥан, хаар маҥан, аас, аас маҥан, холбороҥ манган, түөнэ маҥан, тунал (туналы, тунаа) маҥан, күрүө маҥан, көр дьаҕыл, куба маҥан, сатыы маҥан, кэрэ-кэрэ маҥан, үрүмэччи маҥан, үүт маҥан, туус маҕан, о.д.а.;

саһархай, сарт кутуруга, сырдык саһархай;

араҕас, алтан араҕас, сабыдал араҕас, үрүҥ араҕас, күдэн араҕас, чүмэчи араҕас, ыыс араҕас, уоһах араҕас;

кыһыл, кытархай, тэтэркэй, кыаһаан, кыыһар кыһыл, өһөх кыһыл, соһо, сылгы иигэ, хаан кыһыл, дьэс кыһыл, аалай кыһыл, уот кыһыл, о.д.а;

кугас, дабархай, хардаҥ (хагдаҥ), хагдаҥ кугас, кугдархай, хоҥор, күөт, күрүҥ, о.д.а.;

көҕөччөр, чээл, чээлэй күох, унаар, унаар күөх, торҕо, торҕо күөх, хампа күөх, халлаан күөх, таалай күөх, сырдык күөх, о.д.а.;

сур, өркөҥү (өлкөҥү, өлөкү), бороҥ, буурай, солоҥу, тииҥ көхсө, сиэрэй, о.д.а,;

хара, буор хара, өһөх хара, хара сур, ыас хара, чох хара, үлүйбүт хара, хара бараан, о.д.а.

Быһаарыылар[уларыт]

  1. Саха ойуута-бичигэ: альбом / Мандар Уус. Дьокуускай: Бичик, 2007. - 288 с.: ил. ISBN 978-5-7696-2696-8