Муҥур (балык)

Бикипиэдьийэ диэн сиртэн ылыллыбыт
(Мантан: Чыыр көстө)

Муҥур (лат. Coregonus nasus, нууч. чир) — майаҕастыҥылар аймахтарыгар киирэр сырдык хатырыктаах бөдөҥ үрүҥ балык.

Саха сиригэр байҕалларга түһэр өрүстэргэ орто уонна алын тардыыларыгар уонна туундара күөллэригэр үөскүүр. Илин өрүстэргэ ордук элбэхтик көстөр. Сыаналаах бултанар балык.

Тас көрүҥэ[уларыт | биики-тиэкиһи уларытыы]

Төбөтө кыра, сүүһүн кэннинэн көхсө бөлтөгөрдөөх, айаҕа аллара, хараҕа кыра, этэ-сиинэ үрдүк, ойоҕосторуттан суптугур. Үөһээ сыҥааҕа иннигэр тахса сылдьар, тииһэ суох. Хатырыга бөдөҥ, ойоҕос сурааһынан 81-110 устуука. Сыа лаапчааннаах. Тыһыта атыыра тас көрүҥүнэн уратылара суох. Күөл муҥура өрүс киэнинээҕэр эмис уонна этэ-сиинэ арыый үрдүк буолар.

Уһуна уонна ыйааһына[уларыт | биики-тиэкиһи уларытыы]

Саха сиригэр 80 см, 12 киилэҕэ тиийэр. Халымаҕа 17 киилэлээх муҥурдары туттараллара биллэр. Куруук көстөр балык кээмэйэ - 40-65 см, ыйааһыннара - 1-4 кг[1].

Аһылыга[уларыт | биики-тиэкиһи уларытыы]

Бентос харамайдарынан аһылыктанар.

Ууһааһына[уларыт | биики-тиэкиһи уларытыы]

5-7 сааһыгар ууһуур кыахтанар. Сабаҕалааһын быһыытынан муҥур икки-үс сылга биирдэ эрэ ыыр.

Өссө маны көр[уларыт | биики-тиэкиһи уларытыы]

Саха сирин балыктара

Быһаарыылар[уларыт | биики-тиэкиһи уларытыы]

  1. Пресноводные рыбы, земноводные и пресмыкающиеся Якутии. Б.И. Сидоров, М.М. Тяптиргянов, Дь., Бичик, 2004