Хаскара
Бикипиэдьийэ диэн сиртэн ылыллыбыт
Хаскара (лат. Rhododendron dauricum, нуучч.: Рододендрон даурский) - вересковайдар кэргэннэригэр киирэр күүскэ сайдыбыт элбэх лабаалардаах сэппэрээк. Умнаһа 2 м дылы үрдүктээх буолар. Саҥа тахсыбыт үнүгэстэрэ дьэбинниҥи өҥнөөх буолар. Сэбирдэхтэрэ уһун синньигэстэр, хараҥа от күөҕэ өҥнөөхтөр. Күһүн сэбирдэхтэрэ саһараллар уонна туруупка курдук эриллэн хаалаллар. Сибэккитэ роза өҥнөөх, биирдии тахсар, ардыгар 2-3 буолар, сыттаах, 4 см дылы диаметрдаах[1].
Саха сиригэр соҕуруу уонна киин улуустарга үүнэр. Кумахтаах, таастаах буорга бэс уонна тиит ойуурдарга, ардыгар маардарга көстөр.
[уларыт] Быһаарыылар
- ↑ Декоративные растения Якутии. Краткий справочник. Н.С. Данилова уо.а. Дьокуускай, Бичик, 2010, ISBN 978-5-7696-3281-5
