Физико-техническай лицей

Физико-техническай лицей (толору аата Академик Владимир Петрович Ларионов аатынан Дьокуускай куорат "Физико-технический лицей" муниципальнай үөрэх тэрилтэтэ).

Лицейга физика, математика предметтарын ураты омук тылыгар улахан болҕомто ууруллар. Бу предметтар дириҥэтэн үөэрэтиллэллэр.

Лицей дириэктэрэ - Соловьева Александра Максимовна.

Устуоруйата

Бу үөрэх тэрилтэтэ урукку аата "Саха-Турок Анатолийскай колледжа".

Билиҥҥи туруга

Билигин Лицейга 5-тэн 11-с кылааска диэри барыта 387 оҕо уэрэнэр. Үөрэнэ киирии куонкурус быhыытынан ыытыллар. Киириэн баҕалаахтар математикаҕа уонна нуучча тылыгар тургутан көрүүнү бараллар. Лицей математика учууталларын көҕүлээhининэн сылын ахсын 4-с уонна 5-с кылаастарга математикаҕа куорат чемпионатын ыытар, ону таhынан сайыҥҥы уонна кыhыҥҥы математическай оскуолалары тэрийэр.

Лицей историяҕа учуутала Ирина Прокопьевна Петрова оҕолор ортолоругар дебаты тэрийэн ыытыыга, дебат курэхтэрин дьүүллээhиҥҥэ бүтүн Россия үрдүнэн биир биллэр киhиннэн буолар, оттон информатика уонна саҥа информационнай технологиялар учууталлара Романов Юрий Николаевич сыл ахсын муус устар 12 күнүгэр бүтүн дойду үрдүнэн космонавтикаҕа сыhыаннаах интэриниэт-викторина ыытар. Омук тылын дириҥэтэр сыалтан сайын ахсын лицей элбэх оҕолоро араас омук сирдэригэр тылы үөрэтэр оскуолаларга үөрэнэллэр.

География учуутала Леонид Владимирович Подвигин үөрэтэр оҕолоро республика олимпиадаларыгар бастыҥнар кэккэлэригэр сылдьаллар, онтон 2010-2011 үөрэх сылыгар кини уэрэппит оҕото бүтүн дойдутааҕы олимпиада призёра буолары ситиспитэ.

Лицейга саха тыла уонна культурата орто сүһүөх бары кылаастарыгар үөрэтиллэр. Физкультура предметын чэрчитинэн оҕолору чэгиэн-чэбдик туруктуурга элбэх үлэ ыытыллар, холобура, уолаттарга айылҕаҕа чугаhатар уонна тулалыыр эйгэҕэ харыстабыллаах сыhыан үөскэтэр сыалтан сылын ахсын куннээн айылҕаҕа тахсыы тэриллэр.

Бүгүҥҥү туругунан, В.П.Ларионов аатынан Физико-технический лицей предметнай олимпиадалар уонна да атын үөрэх уонна иитии үлэ көрдөрүүлэринэн республика киин куоратын биир бастыҥ орто үөрэҕин тэрилтэтинэн буолар.

Лицей интернет-сайтын аадырыhа - http:/ /ftl.yaguo. ru Строителей уулусса 13/1 дьиэтигэр баар, приёмнай телефона 8 4112 439113.