Толль Эдуард Васильевич

Бикипиэдьийэ диэн сиртэн ылыллыбыт
Толль Эдуард Васильевич

Барон Эдуа́рд Васи́льевич Толль (ниэм. Eduard Gustav von Toll; 1858, Ревель, — 1902, сураҕа суох сүппүт) — нуучча геолога, Арктика чинчийээччитэ.

Олоҕун олуктара[уларыт]

Остзей ниэмэстэриттэн төрүттээх, барон титуллаах этэ. Ревель (билигин Таллинн) куоракка төрөөбүтэ. Онно оскуоланы бүтэрбитэ. Дьиэ кэргэн аҕалара өлбүтүн кэннэ 1872 сыллаахха Дерпт (билигин Тарту куоракка) көспүтэ, Эдуард онно Дерпт университетын естественно-историческай факультетыгар киирбитэ. Минералогияны, геологияны, ботаниканы, зоологияны, медицинэни үөрэппитэ.

Бастакы эспэдииссийэтигэр Хотугу Африка кытылын таһыгар сылдьыбыта. Алжиир уонна Балеар арыыларын фаунатын, флоратын, геологиятын үөрэппитэ. Төннөн баран Дерптка зоологияҕа кандидат диссертациятын көмүскээбитэ, университекка хаалларыллыбыта.

Толль үлэтин аатырбыт полярник А. А. Бунге сэргээбитэ. Саҥа Сибиир арыыларыгар эспэдииссийэҕэ ыҥырбыта. 1885 сыл кулун тутарыгар уонна муус устарыгар Дьааҥы өрүс устун 400 километры устан Толль Верхоянскайга кэлбитэ. Матырыйаал хомуйан баран Хаһаачыйаҕа төннүбүтэ онтон Саҥа Сибиир арыыларыгар тиийбитэ.