Сытин Иван Дмитриевич

Бикипиэдьийэ диэн сиртэн ылыллыбыт

Сытин Иван Дмитриевич (1851-1934) — аатырбыт кинигэ таһаараччы урбаанньыт, сырдатааччы.

Олоҕун олуктара[уларыт]

Иван Дмитриевич Сытин тохсунньу 25 (олунньу 5) күнүгэр 1851 сыллаахха Кострома губерниятын Гнездниково диэн сэлиэнньэтигэр төрөөбүтэ. Аҕата — Дмитрий Герасимович Сытин, буолас суруксута. Ийэтэ — Ольга Александровна Сытина. Түөрт оҕоттон улаханнара.

12 сааһыттан Иван үлэҕэ киирэр, бастаан Нижегордскай дьаарбаҥкаҕа скорняк көмөлөһөөччүтүнэн, онтон 1866 сыллаахтан Москубаҕа Шарапов диэн атыыһыт кинигэ атыылыыр лааппытыгар.

1876сыллаахха Сытин Евдокия Ивановна Соколованы ойох ылар, уонна ол сылыгар бастакы литография массыынатын атыылаһан литография мастарыскыайын арыйар — «Первая Образцовая типография».