Серкина Александра Васильевна
Александра Васильевна Серкина (ыам ыйын 31, 1918, Саха АССР Витим бөһүөлэгэ — алтынньы 28 2007, Иркутскай) — ангиохирург, мэдиссиинэ билимин дуоктара, профессор, Иркутскайдааҕы государственнай медицинскэй университет уопсай хирургиятын кафедратын сэбиэдиссэйэ, Иркутскай куорат Ытык гражданина.
Биографията[уларыт | биики-тиэкиһи уларытыы]
1936 сыллаахха Дьокуускайдааҕы медициина техникуумун бүтэрэн баран Орто Халыма оройуонугар ыытыллыбыт. Онно корь ыарыы ыарахан эпидемиятын тохтотууга күүскэ үлэлээбит. Ол үлэтин иһин Саха АССР Үрдүкү Сэбиэтэ түөскэ кэтиллэр «Саха АССР 15 сыла» диэн бэлиэнэн наҕараадалаабыт.
1944 сыллаахха Иркутскайдааҕы мединституту бүтэрбит. Иркутскай куорат № 1 клиническэй балыыһатыгар хирургия отделенитыгар ординатордаабыт.