П.А. Ойуунускай аатынан Академическай Саха тыйаатыра

Бикипиэдьийэ диэн сиртэн ылыллыбыт
(Мантан: Саха театра көстө)
Саха тыйаатыра

Саха тыйаатыра, саха норуотун уус-уран искусствотын тириэрдэр сүрүн тыйаатыра.

1920 сыллаахха Нуучча драма театра тэриллэригэр саха труппата үөскээбитэ.

1925 сыллаахха саха труппата бэйэтэ туспа тыйаатыр буолбута: Н. Д. Неустроев «Куһаҕан тыын» комедиятын премьератын күнэ, алтынньы 17, тыйаатыр төрөөбүт күнүнэн ааҕыллар.

Театр бастакы дириэктэринэн поэт уонна драматург, саха уус-уран литературатын төрүттээччилэриттэн биирдэстэрэ А. И. Софронов буолбута.


Режиссерынан Д.Д. Большев буолбута, кини Бүлүүгэ самодеятельного театр тэрийээчи.

Бастакы идэтийбит режиссерынан С. А. Григорьев үлэлээбитэ. Кини 1933—1958 сс. режиссердаабыта.

1934 сыллаахха театрга Ойуунускай аата иҥэриллибитэ.

60—70 сыллардаахха театры Ф. Ф. Потапов салайбыта. Кини театр төрүт репертуар оонньууларын туруорбута.

1983 сылтан театр уус-уран салайааччынан А. С. Борисов үлэлиир.

Репертуар сүрүн оонньуулара[уларыт]

  • Ч. Айтматов «Ийэ хонуута», «Хаарыан хампа күөх кытылым»;
  • М. Карим «Ый өлүүтүн түүнэ», уонна да атыттар.


1995 сыллаахха академическай аат иҥэриллибитэ.

Тыйаатыр хас да Арассыыйа уонна аан дойду таһымнаах фестиваалларга кыттан турар.

Ылыллыбыт сирэ[уларыт]

Саха театрын саайта